Мени

Најава: Слобода наместо страв 2009 – слободен ден за информирање за приватноста

Настанот ќе биде концентриран во Градскиот парк, во близина на споменикот Гоце Делчев. Ги покануваме сите граѓани кои се загрижени за својата приватност онлајн, имаат потреба од совети за внимателно и безбедно користење на интернетот и би сакале да добијат насоки за почитување и постапување по законот за заштита на личните податоци да дојдат и директно да ги прашаат експертите за овие проблематики.

Настанот, како и минатата година е организиран од Фондацијата Метаморфозис. Во обележувањето на денот, свој придонес ќе дадат Дирекцијата за заштита на личните податоци, Форумот на студенти на европско новинарство, Фондацијата Институт Отворено Општество – Македонија, Европското здружение на студенти по право во Македонија, Младинскиот Образовен Форум, Македонскиот центар за европско образование, Интернет хотлајн провајдерот Македонија, Здружението на млади правници и Град Скопје.

Повеќе информации за овој настан во интернационални рамки, можете да добиете на официјалниот веб-сајт за обележување на денот Слобода наместо страв 2009, како и на вики страницата која се надополнува со информации за секоја земја во која се организираат настани по тој повод.

Дополнително: