Мени

Промоција на проектот против говор на омраза

На 13 октомври 2015 се одржа иницијалниот настан, организиран од Хелсиншкиот комитет за човекови права за проектот против говор на омраза, поддржан од страна на NED (National Endowment for Democracy). На истиот беше промовирана Платформата за борба против говорот на омраза, која е отворена за приклучување од страна на организации и поединци, а е во координација на Комитетот; меѓу многуте организации членови во оваа платформа, членува и Фондацијата Метаморфозис. На овој настан беше промовиран и Ѕидот на срамот, со цел да се крене јавната свест за присутноста на говорот на омраза во јавната сфера; како и беше промовирана „Анализа на состојбите, заштитата и можностите за превенција на говор на омраза во Република Македонија“, подготвена од Хелсиншкиот комитет за човекови права.

12122458_10154157043731111_4012378712744802330_n

Некои од наодите од Анализата беа споделени со јавноста, за време на иницијалниот настан, при што беше посочено дека најголема фреквенција на говорот на омраза е забележан за време на предизборните периоди по основ на етничката припадност.

rsz_12023226_10206789630412400_1625842824_n

Исто така, според истите наоди, најголем број на пријави на говор на омраза се по основ на етничка, расна и верска припадност, по основ на јазик и на националност. Не се исклучени ниту говорите на омраза според пол, род, сексуална ориентација и родов идентитет.

rsz_12063922_10206789636852561_993588749_n

За време на настанот, Елена Брмбеска, координаторка на проектот, изјави: „Постои ниска свест кај граѓаните што претставува говор на омраза. За таа цел ние преземаме низа активности за да ја покренеме свесноста кај граѓаните, јавното обвинителство има слаб одзив кон говорот на омраза, законското дефинирање е доста слабо и нема никакви последици. Проектот опфаќа повеќе активности кој содржи лобирање за превенција од говор на омраза, како и зголемување на свеста кај граѓаните и институциите“.

rsz_12166900_10206789635892537_935468607_n

Поставувањето на „Ѕид на срамот“, за време на овој иницијален настан, а поврзан со проектот против говор на омраза, беше со цел да се укаже на присуството на говорот на омраза во јавната сфера, при што таквото присуство е охрабрено од настапите на јавни личности кои редовно користат и шират говор на омраза.

rsz_12083904_10206789632772459_331526120_n

На настанот се обрати и Кочо Андоновски, програмски директор на ЛГБТИ Центарот за поддршка и првиот геј маж кој јавно ја соопшти својата сексуална ориентација, истакнувајќи дека говорот на омраза по 10 години е со засилен интензитет и се’ повеќе прогресира: „Пред 10 години кога првпат излегов како геј маж во Македонија, имаше негативни реакции, меѓутоа говор на омраза во толкав обем немаше. За разлика од тогаш, денес ние за жал, наместо уште помалку да имаме, ние сме вратени назад од пред тие десет години, кој знае колку назад и сега говорот на омраза не само што е станат секојдневие, говорот на омраза е влезен во нашите домови, што запрепастувачко за едно општество кое би требало да прогресира и да се отвора се’ повеќе.“

rsz_12064259_10206789636372549_1559416454_n

Извор: Хелсиншкиот комитет за човекови права на Република Македонија. (13.10.2015) Промоција на проектот против говор на омраза