Отворените податоци можат да им бидат од голема помош на граѓанските организации, медиумите, активистите и државните институции во унапредувањето на јавниот сервис. Повеќе информации за начинот на искористување, анализа и презентација на отворените податоци, може да се добијат преку Школата за податоци – Македонија, чиј веб-сајт ќе биде промовиран овој четврток, 4 јуни, во 11 часот во Клубот на новинари во Скопје.
Школата за податоци е дел од проектот „Мрежа на граѓански организации за отворени податоци“, кој го спроведува Фондацијата Метаморфозис во соработка со Open Knowledge Foundation и со поддршка од Foreign & Commonwealth Office.
Целта на проектот е да помогне во зголемувањето на капацитетите на граѓанските организации за промоција на отворена агенда.
На промоцијата на веб-сајтот ќе биде претставен и конкурсот за проекти и иницијативи кои вклучуваат примена на отворени податоци за подобрување на животот на граѓаните на Македонија.
Воведен збор ќе земе амбасадорот на Обединетото Кралство во Македонија, н.е. Чарлс Едмунд Герет.
Сподели:
