На 24.11.2016, Ministry of Data во соработка со Фондацијата Метаморфозис организираа Мinistry of Data meetup во Скопје, кој се одржа во Цреша бар. Целта на овој настан беше сите заинтересирани граѓани, организации и компании да се информираат околу можноста која Ministry of Data ја нуди на сите кои ќе се пријават да учествуваат во овој регионален предизвик за креирање апликации кој го поддржува креативниот потенцијал на младите луѓе, отворените податоци и напредокот на технологијата за инклузивно управување на подрачјето на западен Балкан.
Идеите кои ќе произлезат во текот на овој предизвик се поврзани со начинот како да ги трансформираме нашите градови и да го подобриме владеењето, ефективноста и јавното учество на локално ниво и преку визуелизации/аналитики, мобилни апликации и други е-решенија. Два тима што ќе учествуваат на предизвикот ќе освојат менторски шеми по своја мерка и парична награда од 2.500 американски долари.
Исто така е предвидена и специјална награда од дополнителни 2.500 американски долари за најдобри визуелизации/аналитики, мобилни апликации и други е-решенија кои користат географски податоци.
Во првиот дел од неформалната средба беа презентирани видеата на победничките идеи од минатата година на Ministry of Data регионалниот предизвик Relatewith.it и Warsaw Ninjas, кои послужија како пример и исто така потикнаа во развивање на дискусија, поставување прашања и развивање идеи. Исто така, во првиот дел на овој настан беше презентирана и веб-апликацијата openprocurement.mk, која послужи како пример за начинот на прибирање на отворени податоци од институциите во Република Македонија, односно беа презентирани предизвиците со кои се соочи организацијата ИКТ за Промени за време на креирањето на оваа апликација и споделија корисни совети за сите кои сакаат да учествуваат со идеи на овој повик.
Додека во вториот дел, учесниците имаа можност да разговараат преку Skype алатката со претставник од Ministry of Data, при што се запознаа со условите и формата за аплицирање.
Што е Ministry of Data?
Ministry of Data е регионален предизвик за креирање апликации кој го поддржува креативниот потенцијал на младите луѓе, отворените податоци и напредокот на технологијата за инклузивно управување на подрачјето на западен Балкан. Доколку имате идеја како да ги трансформирате нашите градови и да го подобрите управувањето, ефективноста и учеството на јавноста на ниво на градови, и имате 18 или повеќе години, Ве повикуваме да ни се придружите! Рокот за пријавувавње е 5 декември 2016 година.
Сподели:
