Процесот на јавни консултации во Битола во однос на темите за слобода на интернет, говор на омраза, регулација на медиуми и механизми за пријава, предизвика низа интересни прашања за предизвиците со кои се соочуваме. Настанот беше посветен на претставување на прелиминарните извештаи од проектот „Слобода на интернет“ поврзани со заштита на човековите права, како и претставување на резултатите од мерењата за отвореноста на институциите од проектот „Одговорност, Технологија и Мрежа на Институционална Отвореност во Југоисточна Европа“. Овој настан е поддржан и од Асоцијацијата за прогресивни комуникации како дел од проектот Унапредување, обликување и поддржување на слободите на интернет.
Настанот се одржа на 26 април во Битола во Националната установа Универзитетска библиотека „Св.Климент Охридски“ (НУУБ „Св.Климент Охридски“ – Битола) од 11:30.
Сподели: