Како дел од соработката на проектот Зајакнување на граѓанското учество во законодавниот процес на НДИ, Фондацијата Метаморфозис беше поканета да присуствува со свој претставник на симулација на комисиски расправи на тема Еколошки предизвик.

Еколошкиот предизвик претставуваше симулација на законодавна, надзорна и анкетна расправа по предлог-закон за заштита на животната средина. Симулацијата вклучуваше пратеници, советници на комисии, асистенти на пратеничките групи и граѓански организации. Во текот на симулацијата учесниците практично ги применуваа законските и деловничките одредби кои се однесуваат на организирањето и спроведувањето на јавните расправи. 

Метаморфозис досега има искуство со учество на законодавна расправа во Комисијата за транспорт и врски за Законот за управување со електрична и електронска опрема и отпадна електрична и електронска опрема и надзорната расправа за Законот за слободен пристап до информации од јавен карактер.