Тарчуловски, (ВМРО-)НП и Бесими се медиумски зборови на 2005 година

Соопштение за јавност

Скопје, 16.01.2006

Тарчуловски, (ВМРО-)НП и Бесими се медиумски зборови на 2005 година

Македонскиот пребарувач Најди!, во соработка со Фондацијата Метаморфозис, ги претставува медиумските зборови на годината – зборови чие користење во медиумите (*) најмногу се зголемило во 2005 година во споредба со 2004 година.

Покрај Јохан Тарчуловски и Фатмир Бесими, на листата на личности со најголемо зголемување на медиумскиот интерес се Метју Нимиц, Оли Рен и Мери Младеновска-Ѓорѓиевска. Најголем пад на заинтересираноста има за Џон Кери, Сашко Кедев и Агрон Буџаку.

Како и во минатата година, и оваа политиката доминира на ранг-листите. Така, „снегот“ е единствената домашна неполитичка тема во листата на 20 често користени зборови.

* Ранг-листата се прави според бројот на текстови во кои се користи дадениот збор, а не според бројот на пребарувања на тој збор.  Споредбата е направена на основа на текстовите објавени на сајтовите на дневните весници Вест, Дневник и Утрински весник, телевизиите А1 и Канал 5, како и порталот Идивиди. Критериумот за избор на сајтови беше сајтовите да содржат значаен број на текстови за целите 2004 и 2005 година.

За повеќе информации обратите се до Петар Кајевски од Најди! на моб. 070-679-689, или до Метаморфозис (info@metamorphosis.org.mk, тел. 02-3109-325).

За Најди! и Метаморфозис

Најди! (najdi.org.mk) е македонски пребарувач (search engine) специјализиран за пребарување на медиумски сајтови. Дел од Најди! е и популарната страница Најди! Блог (najdi.org.mk/blog) преку која можат да се следат речиси сите македонски блогови (интернет дневници). Во првиот квартал на 2006-та, Најди ќе го воведе Најди! Книга – сервис за наоѓање на печатени македонски книги.

Фондацијата Метаморфозис (www.metamorphosis.org.mk) работи на подобрување на општествените услови преку унапредување, промовирање и употреба на информациските и комуникациските технологии (ИКТ).

Прилог – резултати

Табела 1: Најголемо процентуално зголемување на интересот кај често употребуваните зборови

Објаснување: Оваа категорија ги вклучува зборовите кои се појавиле во најмалку 500 текстови во текот на 2004 година. При тоа, во ранг-листата е дадена само формата на зборот, односно делот од името, кај кои има најголемо процентуално зголемување на користењето.

Табела 2: Најголемо процентуално намалување на интересот кај често употребуваните зборови

Објаснување: Оваа категорија ги дава зборовите кои доживеале најголем пад на популарноста во 2005 година. Притоа, рангирани се само зборовите кои биле често употребувани во 2004 година, т.е. кои се појавиле во преку 500 текстови во таа година.

Табела 3: Медиумски личности на годината – често споменувани личности со најголемо процентуално зголемување на интересот во 2005 година

Објаснување: Ранг-листата е направена според зголемувањето на бројот на текстовите кои го споменуваат презимето на личноста, со дополнителни проверки за случаите кога повеќе познати личности имаат исто презиме. Поради тоа даден е само пласманот на личностите.

Табела 4: Надвор од фокусот – често споменувани личности во 2004 година, со најголемо процентуално намалување на интересот во 2005 година

Објаснување: Ранг-листата е направена според намалувањето на бројот на текстовите кои го споменуваат презимето на личноста, со дополнителни проверки за случаите кога повеќе познати личности имаат исто презиме. Поради тоа даден е само пласманот на личностите.

Табела 5: Најголемо процентуално зголемување на интересот кај поретко употребуваните зборови

Објаснување: Оваа категорија ги вклучува зборовите кои се појавиле во помалку од 500, но повеќе од 50 текстови во 2005 година, при што истите зборови се појавиле во барем 20 текстови во 2004 година.

Табела 6: Најголемо апсолутно зголемување на интересот кај зборови кои минимално биле користени во текот на минатата година

Објаснување: Оваа категорија ги дава зборовите кои се појавиле „од никаде“ во 2005 година, т.е. биле споменати најмногу 20 пати во претходната година. Ранг-листата е дадена според апсолутното зголемување на бројот на текстовите.