Парискиот суд неодамна казни 3 различни француски веб-сајтови поради поставување линкови до други веб-сајтови со трач за францускиот актер Оливие Мартинез.
Актерот одлучи да тужи 3 веб-сајтови (Fuzz.fr, Vivre-en-normandie.com и CroixRousse.net) поради поставување линкови до други веб-сајтови кои ги презентирале тие информации.
Fuzz.fr е веб-сајт од типот на Digg , на кој корисниците со нивното гласање одлучуваат кои вести се појавуваат први. Сепак, судот заклучи дека сопственикот на веб-сајтот има одговорност како уредник дури и да се работи за сервис од типот на Digg, и го принуди да плати 1000 евра како отштета за нарушувањето на приватноста на актерот плус 1500 евра за судски трошоци.
CroixRousse.net единствено го постави насловот и линкот до вестите на Јаху за истата тема, но судијата сепак одлучи дека тие треба да платат 500 евра, поради истиот прекршок. Исто така, локален блогер кој пишува за Vivre-en-Normandie.com беше казнет со истиот износ поради поставувањето на линк до слична вест.
Ерик Дупан, сопственикот на Fuzz.fr и познат француски блогер се спротивстави на одлуката, нагласувајќи го фактот дека судот не ги разбира сајтовите од Веб 2.0. Дупан не се обидува да ја негира одговорноста на сајтовите околу тие информации, но ја оспорува постапката во овој случај: „Проблемот е во методот: не беше побарано да го отстраниме линкот, а тоа и ќе го направевме. Наместо тоа, веднаш бевме изведени пред правдата“.
Лоран Галише, младиот сопственик на веб-сајтот за локални вести CroixRousse.net кој доби 3.8 евра од неговиот веб-сајт во текот на 2008, ја изрази својата збунетост: Ова значи дека може да ве нападнат поради хостирање на линк на вашиот веб-сајт… Тоа е исто како да ги нападнете киосците за весници, поради тоа што во еден од весниците има статија за судски процес.“
Се чини дека има уште 17 други веб-сајтови кои се исто така нападнати од адвокатите на француските уметници за слични прашања, иако вестите веќе биле пренесени и од поголем број други извори на интернет, некои од нив и надвор од Франција.
A wave of condemnations shakes the French Web 2.0 (only in French, 27.03.2008)
Case Olivier Martinez vs. Fuzz : Fuzz condemned (only in French, 27.03.2008)
Parts of the Court decision (only in French, 28.03.2008)
The French web passes through black hours…(only in French, 28.03.2008)
Извор: ЕДРи-грам „France: Linking can be damaging to your pockets” 11 април, 2008.
