Политика на приватност (П.П.) е документ, страница или дел од страница на веб-сајтот со која се објаснува на кој начин администраторите постапуваат со личните податоци на посетителите. П.П. е одраз на постоењето свест за законските ограничувања и обврски во оваа област, како и на тоа дали во рамките на фирмата/организацијата се воспоставени работни процедури со кои се гарантира заштита.
Голем број македонски сајтови не го користат доменот .mk, па затоа податоците за присуството на политика на приватност кај 63 сајтови од примерокот се претставени според доменот:
| Домен | Бр. на сајтови | Имаат П.П. | Процент |
| .mk | 42 | 12 | 29% |
| Други домени | 21 | 3 | 14% |
| Вкупно | 63 | 15 | 24% |
Изборот на веб-сајтови за примерокот не е воден според тоа дали имаат или немаат политика на приватност, но поради ограничениот број вклучени сајтови, тој не може да се смета за статистички репрезентативен за сите македонски сајтови. Рецензираните веб-сајтови се избрани заради некое својство: квалитет, оригиналност на идеја, популарност и сл. и како такви се препорачани за публиката на весникот Време, како и на посетителите на овој блог.
Подетален приказ по домени до второ ниво е даден во следната табела.
| Домен | Бр. на сајтови | Имаат П.П. |
| .org.mk | 2 | 1 |
| .org | 2 | 0 |
| .net | 3 | 0 |
| .com.mk | 21 | 4 |
| .blogspot.com | 3 | 0 |
| .com | 12 | 2 |
| .mk | 17 | 7 |
| .se | 1 | 1 |
| in.mk | 1 | 0 |
| edu.mk | 1 | 0 |
| Вкупно | 63 | 15 |
Од 63 македонски веб-сајтови, само 15 имаат политика на приватност, или изразено во проценти, тоа се 23.8% од сите македонски рецензирани веб-сајтови за избраниот период. Најголем број од рецензиите се за веб-сајтови кои имаат домен com.mk (21) односно 33.33 % од сите. Потоа следуваат сајтовите со домен .mk (17) – 26.9% и сајтовите со домен .com (12) – 19%.
Листа на рецензирани македонски веб-сајтови во периодот април 2008 – февруари 2010 година со П.П.:
Сподели:
