Како функционираат чет-ботовите, од каде ги црпат информациите и како одлучуваат кој е вистинскиот одговор на нашето прашање? Каде овие јазични модели во моментов наоѓаат најголема примена? Кои прашања треба да знае еден чет-бот да ги одговори, а кои не? И можеби најважно, кои се етичките дилеми што ги отвора сè поголемата достапност на чет-ботовите?
Што ни носи иднината и како ќе изгледа интернетот, пребарувањето и нашето секојдневие во онлајн свет во кој постојано би комуницирале со чет-ботови?
Ова се дел од прашањата на кои ќе се обидеме да дадеме одговор на дебатата за млади „Има ли разбирачка со чет-ботови?“ што на 22 февруари (среда) ќе се одржи во Јавна соба во Скопје, со почеток од 18:00 часот. На темата ќе дебатираат:
- Тамара Димитрова, предавач во Brainster Next College
- Петар Фидановски, Советник за ИТ стандардизација во Министерство за информатичко општество и администрација
- Нино Карас, CEO и ко-основач на CodeWell Group и CodeWell AI
Настанот е од отворен тип и на истиот се очекува да присуствуваат млади лица. Сите заинтересирани страни се повикани да го пополнат формуларот за регистрација достапен на линкот: https://forms.office.com/e/5r5zpdBbjc
Настанот е организиран од Фондација Метаморфозис во синергија со проектот “Зголемување на граѓанското учество во Дигиталната агенда – ICEDA” кој е кофинансиран од Европската Унија, и проектот „Веродостојни вести за оспособена младина“ финансиран од Британската амбасада во Скопје.
Напомена: Заради потребите на проектот, настанот ќе биде фотографиран и пренесуван во живо на Facebook профилот на Фондација Метаморфозис.
Сподели:
