Младите половина од денот го поминуваат во виртуелната реалност, односно на друштвените мрежи. Постојано споделувајќи, објавувајќи и креирајќи содржини за социјалните медиуми, тие ги прошируваат своите хоризонти, вештини, учат нови нешта и ги „пингуваат“ местата, храната од соништата и своите идоли.
Но, ако ја свртиме паричката од другата страна, социјалните медиуми имаат и своја мрачна страна – друштвена изолација, сајбер булинг, нарушено ментално здравје или едноставно тестирање „штетни“ трендови. Каде ставаме граница и како можеме да коегзистираме со предностите и предизвиците на овие платформи?
На овие прашања свое видување ќе дадат Андријана Вешовиќ-Зомбијана, креаторка на содржина и активистка (Црна Гора); Бојана Стојменовиќ, Мој психолог и Бојан Кордалов, комуниколог и специјалист за социјални медиуми. Настанот ќе биде на македонски јазик и ќе трае 90 минути, а ќе го модерира Гоше Николов, новинар во новинаската агенција Мета.
Настанот е од отворен тип и на истиот се очекува да присуствуваат млади лица. Сите заинтересирани страни се повикани да го пополнат формуларот за регистрација достапен на линкот: https://forms.office.com/e/qwfL9Sv6cB .
Со дебатата за млади ќе се затвори конференцијата „Дигитална трансформација за граѓаните“ организирана во рамките на проектот „Зголемување на граѓанското учество во дигиталната агенда – ICEDA” финансиски поддржан од Европската Унија.
Настанот ќе биде фотографиран и пренесуван во живо на Фејсбук страницата на Фондација Метаморфозис.
Сподели:
