Датум: четврток, 26-ти април, 2018 г., 11:30 часот
Локација: Национална установа – Универзитетска библиотека „Св.Климент Охридски“ – Битола
Фондацијата за интернет и општество – Метаморфозис, има чест да Ве покани да земете учество на јавниот настан за размена на знаења и искуства „Слобода на интернет“, што ќе се одржи на 26-ти април 2018 г. во Националната установа – Универзитеска библиотека „Св.Климент Охридски“ во Битола.
Настанот ќе биде посветен на претставување на прелиминарните извештаи од проектот „Слобода на интернет“ поврзани со заштита на човековите права, како и претставување на резултатите од мерењата за отвореноста на институциите од проектот „Мрежа за отчетност, технологија и институционална отвореност во ЈИЕ“. Овој настан исто така е поддржан од Асоцијацијата за прогресивни комуникации како дел од проектот Унапредување, обликување и поддржување на слободите на интернет.
Ве покануваме да земете активно учество во дискусијата, особено новинари, правници, адвокати и активисти, со особен акцент на подигање на јавната свест за меѓународните правни стандарди кои треба да се применат и споделување на искуствата на правниците кои работат во овие области во Македонија.
Основа за дискусијата се
- прелиминарните извештаи за слобода на интернет достапни на http://metamorphosis.org.mk/aktivnosti_arhiva/sni/
- Индексот на отвореност на институциите достапен на https://opennessindex.actionsee.org/
Агендата на настанот е во прилог, а заради ограничениот број на места Ве молиме учеството да го потврдите преку пополнување на формуларот за регистрација, по е-пошта на contact@metamorphosis.org.mk, или по телефон на 02/3109-325 (лице за контакт: Лилјана Пецова- Илиеска).
Преземете ја агендата на настанот (.pdf)
Сподели:
