Наша летна препорака за читање

Кога се работи за летно читање повеќето би избрале лесни забавни содржини, но за оние кои се заинтересрани за нешто подлабоко имаме одлична препорака.

„Миражот на вистината: комплексности и предизвици на дезинформациите во Западен Балкан“ е совршена лектира за оние кои сакаат да дознаат повеќе за пејсажот на дезинформациите во регионот.

Публикацијата опфаќа теми како: капацитетите на владите да се справат со дезинформациите, законодавните места за тактики против дезинформации, регулирањето на дигиталниот простор, прилагодувањата на наставните програми за образование и можностите и ограничувањата на механизмите за соработка на целото општество?

Публикацијата може да ја погледнете тука и е издадена во рамките на проектот Зајакнување на општествената отпорност и борба против постојаните странски дезинформации во 6 земји од Западен Балкан.

Делот кој се однесува на состојбата во Северна Македонија е подготвен од директорот на Фодација Метаморфозис – Бардил Јашари.

Оваа публикација особено се препорачува на идните истражувачи и практичари со тоа што би ги поттикнала за размислуваат како дезинформациите влијаат на целиот општествен екосистем, од безбедноста и надворешната политика до управувањето, медиумите и образованието.

Сподели: