Отворени податоци – кога понудата и побарувачката ќе се сретнат на половина пат

Концептот на отворени податоци се темели на принципот на отворен пристап, служење на јавното добро преку оспособување на граѓаните, зајакнување на бизнисите и информирање за социјалниот развој. Во Северна Македонија концептот на отворени податоци беше воведен и промовиран со членството на земјата во Отвореното владино партнерство во 2011 година. Следствено, во 2014 година беше донесен Законот за употреба на податоците од јавниот сектор. Сепак, покрај обезбедувањето правна основа за отворените податоци, напредокот е многу бавен. Институциите се борат да ги објават и ажурираат податоците со кои работат и граѓаните сè уште не можат да го забележат големиот потенцијал што овие податоци можат да го донесат.

Се вели дека податоците се фосилното гориво на иднината, а оваа констатација може да ја потврдат бројни примери на економски и социјален развој. Бидејќи сè повеќе ја препознаваме вредноста на податоците, генерациска должност е да се забрза нивното објавување, како и да се зголеми свеста за нивната вредност. Фондацијата Метаморфозис е силно посветена да ги поддржи институциите во Северна Македонија да развијат инфраструктура/ресурси за да можат да продолжат со собирање и објавување податоци во стандардизирани формати за да се овозможи слободна употреба и ре-употреба, водена од Стратегијата за отворени податоци – што всушност е и ‘рбетот на процесот. Покрај практичното обучување на институциите за објавување на нивните збирки на податоци и организацијата на хакатони за да се забрза побарувачката и користењето на податоците, Фондацијата Метаморфозис, во рамките на проектот на УСАИД за граѓанско учество, го поддржува усогласувањето на македонскиот закон со Директивата на ЕУ за отворени податоци и повторната употреба на информациите од јавниот сектор за да се направат процесите на отворени податоци во земјата поамбициозни.

Седумнаесеттото издание на конференцијата е-Општество.мк, кое започнува на 30 ноември, ќе понуди простор за учесниците да истражуваат за можностите и предизвиците со кои се соочува демократијата во дигиталната ера, со тоа што ќе посвети значително внимание на улогата и вредноста на податоците. На сесијата Отворени податоци: кога понудата и побарувачката ќе се сретнат на половина пат, застапниците и практичарите на каузата ќе ги претстават своите ставови за тоа како да се унапредат отворените податоци во Западен Балкан. Меѓу говорниците ќе биде Ирена Бојаџиевска, водечки експерт за усогласување на соодветното македонско право со Директивата 2019/1024, заедно со Делвина Хаџијаха од Отворени податоци Косово, Лазар Поп Иванов од Програмата за развој на Обединетите нации и Нада Ракочевиќ од Стопанската комора на Црна Гора. Сите говорници континуирано придонесуваат за подобрување на екосистемот за отворени податоци во нивните земји и пошироко, а сесијата ветува инспиративен амбиент за учење од сопствените искуства.

Повеќе информации за конференцијата и регистрацијата се достапни на следниот линк: https://e-society.mk/

„Конференцијата е-Општество.мк е организирана од Фондација Метаморфозис во синергија со проектите „Зголемување на граѓанското учество во Дигиталната агенда – ИЦЕДА“ ко-финансран од Европската Унија, „Проверка на фактите за напредокот на Република Северна Македонија кон ЕУ” финансиран од Национален фон за демократија, и „Брз одговор на дезинформации за вакцините” финансиран од Балкански фонд за демократија. Ставовите изразени за време на конференцијата не ги одразуваат ставовите на донашорите.“

Сподели:

31685
meta tim sliki-02.jpg

Qëndresa

Sulejmani

Director of Programme, Metamorphosis Foundation

Останати блог текстови

Алити: Наш приоритет е реформа на администрацијата и дигитализација на услугите во РСМ

03.05.2022

Фото: Порталб.мк Министерот за информатичко општество и администрација Адмирим Алити, во интервју за Порталб.мк, зборува за процесот на реформа на јавната администрација во Северна Македонија. Вели дека главен приоритет како министерство е дигитализацијата на услугите но и донесување на некои закони кои ќе овозможат поефикасна реорганизација на администрацијата. Што се случува со процесот на реорганизација […]

Хорор на пропагандата или кога мртвите стануваат

27.04.2022

Дезинформациите за руската воена инвазија на Украина доведоа до такви поделби на населението во Македонија, особено на оние што се информираат главно од социјалните мрежи, што сега се води онлајн дебата околу тоа дали навистина таму има војна и страдаат цивили или станува збор за холивудска продукција со цел да се уништи Русија. Во време […]

Лекции од Естонија: Од сиромашна посткомунистичка држава до дигитален рај

26.04.2022

Талин, Естонија. Фото: Порталб.мк Естонија е земја која докажува дека дигитализацијата го подобрува квалитетот на животот на нејзините граѓани. Илјадници услуги, главно административни, Естонците ги вршат со неколку кликови од дома, а пак чекањето ред пред шалтерите е дел од некоја далечна историја, пишува Порталб.мк. Оваа балтичка земја со 1,3 милиони жители, во последните 25 […]

Стојановски: Разни актери се обидуваат да ја поткопаат демократијата со дезинформации

18.04.2022

Фото: Фисник Џелили, Порталб.мк На годинешната конференција „Дисикон – Интегритетот на информациите“, директорот за партнерства и развој на ресурси во Фондацијата Метаморфозис, Филип Стојановски зборуваше за странските интервенции во поткопувањето на демократијата, како и за работата на Фондацијата Метаморфозис во борбата против дезинформациите, пишува Порталб.мк. Стојановски потврди дека интегритетот на информациите и изборниот интегритет се […]

"Користењето на некои електронски услуги е зголемено, но е далеку од посакуваното ниво"- Мета.мк новинска агенција

28.03.2022

Извор: Порталб.мк Употребата на одредени електронски услуги во текот на 2021 година, во однос на периодот 2019/20 година бележи благ пораст. Ова го покажуваат податоците што ги обезбеди ИЦЕДА (ICEDA) во соработка со Порталб.мк, споредувајќи ги со податоците од прелиминарното истражување, кога истите електронски услуги се користеле помалку. Сепак, зголемувањето е сé уште далеку од […]

Нашата безбедност на Интернет зависи и од нас!

08.02.2022

Нашите животи станаа незамисливи без Интернет и тој стана моќна алатка што ја користиме секојдневно, и за професионални и за лични цели. Интернетот ни дава многу можности да заштедиме време и ресурси, да научиме нови вештини и повторно да дадеме приоритет на вредностите. Сепак, со зголемената употреба на Интернет, сведоци сме на зголемениот број на […]