ноември 11, 2013
Конгресот за наградите на Светскиот самит 2013 се одржа во Коломбо, Шри Ланка, во периодот од 23 до 26 октомври. Овој настан ги собира на едно место најдобрите ИКТ иновации и најновите дигитални производи од сите краеви на светот, со цел да се претстават на глобалната сцена на светскиот конгрес за дигитални содржини.
јули 10, 2013
ПОКАНА ЗА ПРЕС-КОНФЕРЕНЦИЈА Имаме чест да Ве поканиме на прес-конференција за претставување на веб-сервисот „Следи ги парите“, која ќе се одржи во четврток, 11 јули 2013 година, со почеток во 11:00 часот во Инфо Центарот на Делегацијата на Европската Унија во Скопје, Мито Хаџивасилев Јасмин 52в, Скопје.
мај 31, 2011
Преку објавување на Вистиномер.мк , Фондацијата „Метаморфозис“ става на располагање на јавноста уште една алатка за зголемување на отчетноста и одговорноста на партиите пред граѓаните.Вистиномер.мк ги анализира ветувањата на политичките субјекти и ги презентира во лесно читлива, агрегирана форма, заедно со систематски статистички податоци. Секое идентификувано ветување добива оценка според степенот на исполнетост: исполнето, делумно исполнето или неисполнето. Ветувањата кои се нелогични или искажани на начин што оневозможува да се проверат се означени како недоследни.
мај 27, 2011
За првпат во историјата на македонската демократија, преку веб-апликацијата Гласомер.мк граѓаните имаат можност директно да ги споредат политичките понуди на партиите што учествуваат во избори со своите ставови и мислења.
мај 18, 2011
Од неодамна, веб-сајтот Ping.mk доби комплетно нов изглед со кој се олеснува пристапот до новите препораки кои и понатаму произлегуваат од агрегаторот што работи во заднина.
јули 14, 2010
Фондацијата Метаморфозис објави нов веб-сајт наменет за високо-образовните, истражувачките и воопшто за сите институции кои планираат да воспостават дигитално складиште за архивирање на своите документи, трудови, софтвер, наставни ресурси, мултимедијални фајлови и сл.Веб-сајтот „Дигитални складишта“ е адаптација на содржините од инфо-алатката „Digital Repositories“ објавена од JISC infoNet. Достапен е на македонски јазик, а набрзо ќе биде пуштен и на албански.
јули 11, 2010
Бесплатниот софтвер за креирање и објавување на дигитални складишта DSpace, отсега е достапен како виртуелна машина во OVF (Open Virtualization Format) која може да се постави и пушти во функција за помалку од 1 час во зависност од конфигурацијата на серверот на кој се инсталира.
март 29, 2010
На првиот циклус на обуки од проектот „Социјални медиуми за демократија“, одржани во периодот од 23 до 26 март, се креираа првите четири блогови за застапување на одредена кауза. Учесници на обуката беа претставници на невладини организации и индивидуални активисти. Обуката беше спроведена во соработка со Младинскиот образовен форум.
декември 14, 2009
Од неодамна официјално е пуштен во употреба Ping.mk. Веб-сајтот претставува агрегатор на е-содржини кои се собираат автоматски преку претходно задавање на РСС фидови до веб-сајтови или тематски посебни делови од нив. Покрај тоа, тој овозможува и додавање на поединечни написи, гласање за поставените линкови, креирање на тематски групи, коментирање, споделување, како и преглед на најдоброто и најинтересното од сè што е поставено и агрегирано во даден момент.
декември 30, 2008
Мултидисциплинарното Жири на Наградата на Светскиот самит за информатичко општество – Македонија ги одбра македонските претставници за глобалниот натпревар. Прочитај повеќе…
декември 24, 2008
На 23 декември во просториите на Стопанската комора на Македонија беа презентирани повеќето од пријавените проекти за Наградата на Светскиот самит (World Summit Award – WSA). Жирито имаше можност да погледне кратка презентација од секој од претставниците на проектите, како и да им постави прашања. Листата на пријавени проекти може да ја погледнете на сајтот на WSA Македонија.
јули 17, 2008
Неодамна објавениот сајт на Дигиталниот архив на македонскиот јазик на Истражувачкиот центар за ареална лингвистика на МАНУ, наменет за промоција на ретки книги и материјали поврзани со македонскиот јазик во дигитална форма, се здоби со Криејтив комонс лиценцата Наведи извор 2.5 Македонија.
февруари 19, 2007
Како дел од проектот на ФИООМ Проценка на потенцијалот за добро владеење во Македонија, на веб-сајтот uslugi.gov.mk е поставена анкета преку која граѓаните имаат можност да го дадат своето мислење за овој електронски сервис на Владата на РМ.
октомври 20, 2006
Во периодот од 23 до 30.10.2006 г. на Универзитетот „Св. Кирил и Методиј“ – Скопје и Универзитетот „Св. Климент Охридски“ – Битола ќе се одржат неколку презентации на базите на научни трудови и електронски ресурси достапни преку фондацијата Електронски информации за библиотеки – eIFL