Претставници на повеќе компании и меѓународни органи на прогонот го најавија основањето на здружението Digital PhishNet кое ќе се бори против кражбата на идентитетот…
Претставници на повеќе компании и меѓународни органи на прогонот го најавија основањето на здружението Digital PhishNet кое ќе се бори против кражбата на идентитетот или фишинг (phishing) преку поврзување на водечките компании од областа на технологијата, банкарството, финансиски услуги и аукции на интернет со органите на прогонот. Digital PhishNet воспоставува единствен начин на комуникација помеѓу индустријата и органите на прогонот со што ќе може да подготват важни податоци за гонење на таков вид на криминал во реално време.
Фишингот е многу штетна закана којашто е сè почеста и се базира врз пренасочување на корисникот на лажни веб сајтови, обично преку имејл пораки. Таму корисникот ги запишува своите лични податоци, како што се броевите на кредитните картички и нивните шифри.
Досегашните здруженија беа насочени пред сè на откривање на лажните веб сајтови и размена на информации за криминалните активности. Digital PhishNet е прво здружение кое ќе работи заедно со органите на прогонот со цел наоѓање и апсење на криминалците.
Еве неколку членови на здружението: America Online, Digital River, EarthLink, Lycos, Microsoft, Network Solutions, VeriSign, Федералното истражно биро (Federal Bureau of Investigation), Федералната комисија за трговија (Federal Trade Commission), Тајната служба на САД (U.S. Secret Service) и Поштенската инспекција на САД (U.S. Postal Inspection Service). официјалниот веб сајт на здружението е www.digitalphishnet.org.
