Е-Општество во ЈИ Европа

Повеќе од 350 учесници од 10 земји (Албанија, Босна и Херцеговина, Бугарија, Хрватска, Србија, Македонија, Црна Гора, Романија, Чешка и Ирска) зедоа учество на втората меѓународна конференција „е-Општество.Мк“ што се одржа од 15 до 17 ноември 2006 година во хотелот „Холидеј ин“ во Скопје во организација на фондацијата „Метаморфозис“.

Фокусот на конференцијата беше регионалниот пристап во креирањето политики поврзани со информатичките и комуникациските технологии (ИКТ). На конференцијата зедоа учество голем број експерти, креатори на политики, лоби-групи и други чинители од Македонија, регионот на југоисточна Европа и ЕУ кои споделуваа знаења и искуства во рамките на панел-дискусиите и работилниците. Конференцијата беше одлична можност за разните чинители од регионот да разговараат за претстојните предизвици, да споделат информации, искуства и знаења. Исто така, конференцијата донесе една регионална перспектива на локалните проблеми и беше можност да се предвидат идните.

Земјите од југоисточна Европа делат слична историска и политичка ситуација, како и аспирации за влегување во ЕУ. Сите тие имаат потреба од развој на информатичкото општество како алатка за економски и социјален развој. Од друга страна, пак, сите тие имаат различни нивоа на достигнувања и различни фокуси во креирањето политики и нивното спроведување. Регионалната соработка и размената на успешни достигнувања се на незадоволително ниво. Тековните и идните потреби бараат зголемено вмрежување на експертите за информатичко општество, и на политичко и на практично ниво, особено синхронизирање на владиниот систем за комуникации преку усвојување на исти стандарди како алатка за достигнување на европските критериуми. Оваа потреба е евидентна и во граѓанското општество, бидејќи зголемената солидарност заедно со споделувањето искуства и знаења на регионално ниво ќе придонесе за поголема ефикасност на локалниот невладин сектор.

Кај македонскиот пример, скоро сите релевантни чинители, од политичките актери од сите бои, до претставниците на деловниот и граѓанскиот сектор, постојано ја повторуваа потребата од градење на информатичко општество во земјата, и како елемент во главните општествени текови и како средство за зголемена инклузија на разни заедници и групи. Овој договор на национално ниво води кон комплетирање на неколку важни законски и политички напори, од кои најважни се Законот за електронски комуникации и Националната стратегија за развој на информатичкото општество. Со финансиска поддршка на УНДП и ФИООМ, Националната стратегија за развој на информатичкото општество беше изготвена од работна група составена од експерти од сите сфери на општеството и координирана од Комисијата за информатичка технологија. Стратегијата под покровителство на Претседателот беше прифатена од Владата во јуни, а Парламентот ја изгласа со консензус во септември 2005 година. Слично како Македонија, повеќето земји од југоисточна Европа донесоа свои национални стратегии за ИКТ, но заостануваат со нивното спроведување.

За време на дискусиите на конференцијата беше потенцирано дека земјите од југоисточна Европа треба да вложат неопходни и добро координирани напори за да го достигнат тековното ниво на развој на земјите-членки на Европската унија. Невладините организации во партнерство со владите и приватниот сектор мора да имаат клучна улога во развојот на информатичкото општество и да бидат гарант дека транзицијата кон информатичкото општество се спроведува на начин којшто е во корист на сите сегменти на општеството и на начин на којшто не се загрозуваат индивидуалните права и слободи. Како што изјави Антон О’Лахтнаин од „Дигитални права Ирска“, организација-членка на ЕДРИ, „Од огромно значење е да се стават доброто и достоинството на граѓаните во срцето на е-општеството.“

Исто така, беше нагласено дека нема голем успех без целосна вклученост на невладиниот сектор којшто ги претставува интересите на граѓаните на разни начини и делува како мост преку јазот на доверба којшто многу често се среќава меѓу граѓаните и владите.

Предизвиците со коишто ќе се соочи регионот во иднина ќе бараат зголемена соработка, повеќе вештина, зголемена продуктивност и подлабоко разбирање на прашањата што произлегуваат од употребата на ИКТ и нивното влијание врз нашето општество.

Втора меѓународна конференција е-Општество.Мк

Работна група за информатичко општество – Македонија

Заклучоци и препораки од е-Општество.Мк 2006

Бардил Јашари

Сподели:

meta tim sliki-02.jpg

Е-Општество

во

ЈИ

Европа

Останати блог текстови

Секој министер се пофали и се сликаше за проектот „Една точка за услуги“, но тој никогаш не успеа - Мета.мк Новинска агенција

28.04.2023

Колаж од посетите на владините функционери во канцелариите „Една точка за услуги” / Фото: Државни институции Канцелариите „Една точка за услуги“ кои беа отворени во Скопје, Куманово, Охрид, Битола и во Тетово со цел граѓаните да му кажат „збогум“ на чекањето на шалтерите, ќе бидат затворени и на нивно место ќе бидат отворени 333 шалтери […]

Заштита на вашиот дигитален идентитет: Важноста на „сајбер хигиената“

25.04.2023

Во денешното дигитално доба, поважно е од кога било да преземете чекори за да се заштитите од сајбер заканите. Од вируси и малициозен софтвер па сѐ до измами со фишинг и кражба на идентитет, има многу ризици кои можат да ги компромитираат вашите лични информации и да направат хаос на вашите уреди. Затоа практикувањето добра […]

Комуникација со граѓаните за дигиталната трансформација– важен придонес за премостување на јазот

24.04.2023

Дигиталната трансформација ги менува нашите животи на начини што не можевме да ги замислиме дури ни пред неколку децении. Таа донесе нови можности и предизвици и го трансформира начинот на кој живееме, работиме и комуницираме меѓусебно. Сепак, комуникацијата со граѓаните за дигиталната трансформација може да биде предизвик, особено на Западен Балкан, каде што сè уште […]

Институциите како причина за нарушувања на приватноста во медиумите

19.04.2023

Дури и ако надлежните државни органи откријат приватни податоци на сторител или жртвата, медиумите не смеат да ги пренесуваат тие информации. Грешка од страна на државните органи не значи „дозвола“ за прекршување на етичките начела на професијата. Ова го вели Етичкиот кодекс на српските новинари, но медиумската практика често е сосема поинаква. Зошто е тоа […]

„АДА“, дигиталниот асистент базиран на вештачка интелигенција кој ќе им дава информации на граѓаните за државната помош - Мета.мк Новинска агенција

10.04.2023

Дигиталниот асистент „АДА“; Фото: Влада на РСМ Инвеститорите и граѓаните ќе можат да добиваат информации за програмите за државна помош на Владата на РСМ преку првиот дигитален асистент „АДА“ кој е базиран на вештачка интелигенција. Вака информираат од Кабинетот на вицепремиерот за економски прашања Фатмир Битиќи и Фондот за иновации и технолошки развој (ФИТР), по […]

Употребата на вештачката интелигенција во државните институции е корисна, но опасна е ако се злоупотреби - Мета.мк Новинска агенција

09.04.2023

Фото: Pixabay.com Користењето на вештачката интелигенција во јавниот сектор би помогнало да се зголеми квалитетот на услугите, да се заштеди времето и парите на граѓаните, но и да се спречи корупцијата. Меѓутоа, ако вештачката интелигенција се користи нетранспарентно, последиците ги надминуваат придобивките. Ова го велат експертите за влијанието на вештачката интелигенција доколку се користи од […]