Ред Флег Софтвер (Red Flag Software ) и Миракл Линукс (Miracle Linux) официјално ја објавија бета верзијата на Ејжнукс 1.0 (Asianux 1.0) за време на семинарот за технологија Oracle OpenWorld
Ред Флег Софтвер (Red Flag Software ) и Миракл Линукс (Miracle Linux) официјално ја објавија бета верзијата на Ејжнукс 1.0 (Asianux 1.0) за време на семинарот за технологија Oracle OpenWorld што се одржа во Шангај од 20 до 22 јули. Ејжнукс е стaндарден Линукс оперативен систем развиен специјално за претпријатијата во Азија. Се очекува дека компаниите од Кина и Јапонија, како и од Јужна Кореа ќе го одберат Ејжнукс за основен оперативен систем.
Водечките информатички компании како што се Dell, Advanced Micro Devices (AMD), NEC, Sun Microsystems и Hewlett-Packard (HP) изразија подготвеност да го поддржат Ејжнукс.
Застапеноста на Линукс на азискиот пазар се очекува значително да се зголеми во наредните неколку години. Според статистиките на ИДЦ Јапонија (IDC Japan) се очекува Линукс да освои пазар од 41 милион долари до 2008 година во Кина и 105 милиони долари до 2007 година во Јапонија.
