http://www.seavus.comСистемот за електронско пријавување на даноци почна со работа, а фирмите ќе почнат да го користат од јануари в година. Тој ќе функционира во рамките на Управата за јавни приходи и, според најавите, прво ќе го користат 100 најголеми македонски компании.
Овој проект е финансиран од Американската агенција за меѓународен развој (УСАИД), а ќе биде изработен од фирмата „Сеавус“.
– Апликацијата за електронско пријавување на даноци претставува голем чекор кон креирање на ефикасен и транспарентен систем за собирање на даночните давачки во Македонија – рече директорката на УЈП, Петра Митева.
Се очекува овој систем да ги намали административните тешкотии за даночните обврзници и за УЈП, како и да овозможи брзо и безбедно процесирање на голем број податоци. Развојот на овој софтвер е инициран од проектот за електронска влада на УСАИД, кој има за цел да ги зголеми ефикасноста и транспарентноста во работењето на јавниот сектор и да отвори нови можности за деловни активности.
Dnevnik
