На состанокот на претседателите на политичките групи во Европскиот парламент на 17 март, 2009, гласањето за продолжување на рокот на авторските права кое требаше да се одржи на 23 март, 2009, беше одложено за крајот на април, 2009, како резултат на големата расправа и недостигот на консензус меѓу европарламентарците.
Со Директивата, предложена од комесарот Мекриви, се предвидуваше да се продолжи периодот на важност на авторските права од 50 на 90 години и беше наводно наменета за поддршка на авторите во пензија. Како што многуте противници на предлогот нагласија и како што покажаа неколку истражувања, продолжувањето најмногу би им одело во корист на големите мултинационални компании и би влијаело негативно на економијата и културата на Европа.
Професорот Мартин Кречмер, Директор на Центарот за политика за интелектуална сопственост и менаџмент Bournmemouth смета дека мерката би им била од полза на четири мултинационални издавачки куќи – Universal, Sony BMG, Warner Music и EMI кои ги поседуваат сите клучни снимки опфатени со продолжувањето на периодот, како и на неколку истакнати артисти.
Според пресметката на Европската комисија, поголем дел од европските автори ќе добијат само околу 52 евра годишно, додека според пресметката на членот на ЕДРИ – Open Rights Group, 80 отсто од авторите ќе добијат само 0.5 до 27 евра годишно. Дури и ако ја земеме предвид бројката на комисијата, оваа сума тешко би можела да им помогне на постарите изведувачи.
Здружението за фер аудиовизуелни авторски права во Европа (“A Face”), група која вклучува поединци и здруженија од Европската аудиовизуелна заедница, ги здружи и другите гласови против Директивата и иницираше петиција против неа. „Ние ја сметаме предложената Директива, и која било друга базирана на слични принципи, којашто влијае на аудиовизуелниот свет, за штетна за развојот и распространувањето на Европската култура и економија, кои се дел од основните мисии на Европскиот парламент. Од таа причина, имаме намера активно да се спротивставиме на предлогот и да ги повикаме сите да ја поддржат оваа кауза“, се вели во соопштението на групата. Целта на „Face“ е да осигури дека авторските права нема да скршнат од нивната примарна цел „да ги штитат интересите на сопствениците на правата само до степен до кој ќе се обезбеди општ напредок на културата“.
Кон крајот на месец март, со расправата на Европската комисија, Европскиот совет и Европскиот парламент ќе се одлучи дали ќе се дозволи натамошна дискусија за Директивата во Европскиот парламент.
MEPs back off from copyright term extension vote! (19.03.2009)
http://www.openrightsgroup.org/2009/03/19/meps-back-off-from-copyright…
Copyright extension debate: We must not inhibit digital creators (16.03.2009)
http://blogs.telegraph.co.uk/shane_richmond/blog/2009/03/16/copyright_…
Association for Fair Audiovisual Copyright in Europe Petition of the european audiovisual community against the proposed directive for a copyright term Extension for sound recordings
http://aface.eu/
EDRI- gram: Reject the Term Extension Directive (21.01.2009)
http://www.edri.org/reject-term-extention-directive
Извор: ЕДРИ-грам „Extension of copyright term postponed in the European Parliament“ бр. 7.6, 25 март, 2009.
