На 8 октомври, 2009, Европската комисија (ЕК) го повтори својот апел до сите земји-членки на ЕУ да ги зголемат заложбите за справување со опасностите за онлајн приватноста на јавноста, како што се спам пораките, шпионскиот и малициозен софтвер, врз основа на наодите од студијата побарана од страна на Комисијата.
Во „Студијата за активностите преземени за справување со ризиците кои ја поткопуваат довербата во информатичкото општество, како што се спам пораките, шпионскиот и малициозен софтвер“ извршена од time.lex, се проценува напредокот на секоја земја-членка на ЕУ, се укажува на потребата за подобро законодавство, поконзистентни правила и санкции, како и подобра прекугранична соработка во овој домен.
„Денешните бројки покажуваат дека неколку земји-членки на ЕУ вложуваат повеќе напори во спроведувањето на правилата за онлајн приватност. Сепак, спам пораките се област каде можеме и мораме да ја подобриме состојбата, во полза на интернет корисниците во ЕУ“, изјави Вивиен Рединг, Европскиот комесар за информатичко општество и медиуми, која додаде: „Иако уште од 2002, со европските закони се забранија спам-пораките и шпионскиот софтвер, во просек 65 отсто од граѓаните на ЕУ сè уште редовно добиваат спам пораки. Треба да се бориме против испраќачите на спам-пораки и да осигураме дека ЕУ ќе го усвои законодавството со кое се воведуваат ригорозни санкции за граѓански и кривични прекршоци на спамерите. Апелирам до земјите од ЕУ да ги зголемат нивните заложби за борба против онлајн опасностите по приватноста како што се спам пораките, шпионскиот и малициозен софтвер“.
Студијата открива дека има големи разлики во начинот на кој земјите-членки ги спроведуваат прописите и применуваат казните за спамерите и препорачува поуспешен пристап во борбата со заканите на интернет која треба да вклучува комбинација на превенција, спроведување на законите и подигнување на јавната свест (како што исто така се предложува со Политиката за заштита на критичната информациска инфраструктура). „Државните органи (како што се телекомуникациските регулатори, агенциите за заштита на податоците и потрошувачите и полициските агенции) мора да имаат јасни одговорности и процедури за соработка меѓу нив, додека јавниот и приватниот сектор исто така мора да работат заедно“. Со цел да се оствари тоа, земјите-членки на ЕУ треба да обезбедат доволни ресурси за државните власти, за тие да можат да соберат докази и да спроведуваат истраги во ова поле.
Наодите исто така покажуваат дека нивото на соработка се разликува помеѓу земјите-членки на ЕУ и покажува дека бидејќи спам пораките се глобален проблем, има потреба за потесна соработка со ЕУ како и на светско ниво.
More action needed to fight spammers and protect online privacy, says Commission report (8.10.2009)
http://europa.eu/rapid/pressReleasesAction.do?reference=IP/09/1487
Study on activities undertaken to address threats that undermine confidence in the Information Society, such as spam, spyware and malicious software – Spam and spyware study SMART 2008/0013 Final Report – (2.10.2009)
http://ec.europa.eu/information_society/policy/ecomm/doc/library/ext_s…
Critical Information Infrastructure Protection – a new initiative in 2009 (29.05.2009)
http://ec.europa.eu/information_society/policy/nis/strategy/activities…
