Француската група за застапување за слободен софтвер протестира против повторните преговори на Министерството за одбрана околу договор за лиценца за комерцијален софтвер кој беше потпишан пред четири години без процес на јавна набавка. Групата бара од Министерството да ги запре разговорите со продавачот на комерцијален софтвер и да организира јавен повик за понуди.
Министерството повторно ги заобиколува јавните набавки и преговара за продолжување на договорот за лиценцата, извести француското списание за трговија со ИТ, PC Inpact. На својата веб-локација, списанието објави детален преглед на постојниот договор. Тие потсетуваат дека во 2010 година францускиот парламент покренал прашања во врска со договорот. PC Inpact исто така го цитира извештајот на Комисијата за јавни набавки, предупредувајќи дека со договор на неодредено време Министерството може да се ограничи само на користење комерцијален софтвер. Комисијата исто така изрази сериозна загриженост за законитоста на договорот.
Во изјавата објавена вчера, April апелира до француската влада „да воспостави јавна политика во полза на слободниот софтвер“. Ова би било во согласност со насоките на Владата за употребата на слободниот софтвер во јавните администрации низ земјата, објавени минатиот септември. „За тоа е потребно Министерството да организира транспарентен повик за прибирање понуди, отворен за сите“.
Стратешка контрола
Групата која врши притисок предупредува дека со обновување на договорот, Министерството ќе се претвори во кино кое работи исклучиво на софтвер од овој продавач. „Новиот договор меѓу Министерството за одбрана и оваа компанија, постојано осудуван од Европската комисија за злоупотребите, е неприфатлив“, вели Фредерик Куше, извршен директор на April. „Министерството за одбрана не само што ги игнорира принципите за јавни набавки, туку ја предава и својата стратешка контрола на оваа компанија“.
Извор: Joinup.eu „French advocacy group decries Defence’s ignoring of procurement law“ 8 февруари, 2013.
