Ирската музичка асоцијација (ИРМА) сака да го блокира пристапот на интернет корисниците до одредени веб-сајтови. Во февруари 2009, откако постигна спогодба со Еирком, асоцијацијата испрати писма до ирските интернет провајдери барајќи од нив да ги блокираат наведените сајтови, под закана за тужба.
Еирком веќе се сложи на пристапот со „три предупредувања пред блокирање“ и ИРМА требаше да го договори истиот пристап со сите други ирски интернет провајдери. Според договорот, доказите за нелегални преземања ќе бидат доставени од ИРМА и Еирком ќе дејствува без претходно судско сослушување. За жал спогодбата исто така значи дека Еирком нема да се спротивставува на каква било апликација со која би можело на нивната мрежа да се блокираат веб-сајтови за споделување на датотеки.
Очигледно, ИРМА ќе надгледува пир-ту-пир мрежи користејќи го DtecNet. Сомнителните ај-пи адреси ќе бидат пренесени до ИРМА која „ќе му ги презентира доказите“ на Еирком, без потреба од судско сослушување и во отсуство на обвинетиот.
„IrelandOffline не го поддржува нелегалното споделување на датотеки, но овој потег не е соодветно решение на проблемот, и при тој процес се спречува легалниот и легитимен интернет пристап,“ изјави Ејмон Валас, портпарол на лоби групата за широкопојасен интернет – IrelandOffline.
Според Дејмиен Малеј, поранешен директор на IrelandOffline, IRMA ќе започне со блокирање на The Pirate Bay, потоа Mininova, IsoHunt, YouTube и „Мислам дека нема да запрат тука, туку ќе го блокираат секој веб-сајт на кој има линкови до The Pirate Bay и слични сајтови за нелегално споделување. Според него, токму ова претставува напад врз нашата слобода да читаме, пишуваме, и нашата слобода да се движиме низ интернетот“.
Најмногу ќе изгубат корисниците, кои ќе бидат исклучувани врз основа на наводи од организацијата без каква било вмешаност на судот и веб-сајтовите кои би можеле да бидат блокирани, врз основа на судска одлука во која тие нема да имаат збор.
Blackout Ireland, група од ирски интернет корисници, верува дека оваа шема не само што е недоволна во борбата против пиратеријата туку исто така претставува сериозно прекршување на граѓанските слободи. Истовремено, блокирањето на веб-сајтовите никогаш не е успешно бидејќи пиратите можат лесно да ја заобиколат блокадата, која ќе им наштети само на легитимните корисници. „Цензурата не е решение. Тоа е само одбегнување на проблемот. Тоа не им плаќа на уметниците за нивната работа,“ вели Blackout Ireland.
Blackout Ireland исто така организира „затемнување“ кое започна на 5 март и ќе трае една недела, при што ги охрабруваат луѓето да постават целосно црни слики на сајтовите како што се Фејсбук, Бибо, Твитер, МСН итн. и да го поддржат ова прашање преку постови на нивните блогови, писма до весници или каква било друга форма на комуникација.
Irish Blackout: Why Irish ISPs Should Stand with Their Customers (4.03.2009)
http://www.eff.org/deeplinks/2009/03/irish-blackout
Blackout Ireland – Some Questions (28.02.2009)
http://andyaz.ie/blackout-ireland-some-questions/
Lobby group calls for stop to censorship plans (26.02.2009)
http://www.siliconrepublic.com/news/article/12374/digital-life/lobby-g…
Music industry pushing for internet filtering as well as “three strikes” – what can you do about it?(26.02.2009)
http://www.digitalrights.ie/2009/02/26/music-industry-pushing-for-inte…
Blackout Ireland
http://www.blackoutireland.com/
IRMA letter to ISPs (13.02.2009)
http://blog.blacknight.com/images/irmaletter.pdf
EDRI-gram: Irish ISP settled to introduce 3 strikes (11.02.2009)
http://www.edri.org/edri-gram/number7.3/3-strikes-ireland
Извор: ЕДРИ-грам “IRMA tries to block websites“ бр. 7.5, 11 март, 2009.
