Италијанската влада планира да донесе нова уредба со која од луѓето што качуваат видеозаписи на интернет ќе се бара да имаат овластување од Министерството за врски, исто како и телевизиите.

Во член 4 од истата уредба, којашто Силвио Берлускони упорно ја турка, се нагласува дека се бара министерско одобрение за распространување на „подвижни слики, со или без звук“ преку интернет. Со ова ќе бидат опфатени веб-сајтовите на весниците, IPTV и мобилната телевизија, како и секое лице кое сака да постави видеозапис на веб-сајт за споделување на видеа.

Опозицијата којашто смета дека со предложената уредба се загрозува слободата на изразување, одржа прес-конференција во Собранието на 14 Јануари, 2010 г.

„Преносот на слики преку интернет со уредбата се подложува на правила коишто се типични за телевизијата и се бара претходно министерско одобрение, со неверојатно ограничување на начинот на кој интернетот моментално функционира“, вели опозицискиот пратеник Паоло Џентилони.

Уредбата исто така беше критикувана од Член 21, организација за поддршка на слободата на говорот, именувана според членот 21 од италијанскиот Устав. Групата поднесе жалба против уредбата на 15 јануари, наречена „Не чепкајте го интернетот“ во која се вели дека предложените мерки ќе претставуваат само „крај на слободата на изразување на интернет“ и ќе ги спречат италијанските граѓани да поставуваат сопствени видеа на интернет.

Никола д’Анџело, комесар во италијанската Агенција за комуникации смета дека уредбата е спротивна на Директивата на ЕУ за аудио-визуелни медиумски услуги, поради проширувањето на правилата кои важеа за телевизијата, а отсега и за онлајн видео содржините.

Голем број критичари сметаат дека уредбата е резултат на интересите на премиерот Берлускони како сопственик на Mediaset, најголемиот приватен ТВ радиодифузер.

„Репортери без граници“ ја изрази својата загриженост во врска со уредбата како закана за слободата на изразување и побара од Уставниот суд да ја отфрли во целост.

Реагираше и Европската комисија, по жалбите од италијанските здруженија. „Службите на Комисијата ќе поведат прекршочна постапка за не-известување против Италија“, изјави еден официјален претставник на ЕУ за EurActiv.com. Тој исто така додаде дека „со Директивата за е-трговија е дефинирано дека не постои општа обврска за следење на интернет провајдерите“, што е контрадикторно на новата италијанска уредба. Покрај тоа, претставникот објасни дека „платформите за споделување на видеа“ не се вклопуваат во дефиницијата за аудиовизуелен медиумски сервис„ така што не би требало да бидат опфатени со националните закони“ сè додека не практикуваат уреднички одлуки“.

Proposed Web video restrictions cause outrage in Italy (15.01.2010)
http://www.thestandard.com/news/2010/01/15/proposed-web-video-restrict…

Italy proposes mandatory licenses for people who upload video (16.01.2010)
http://www.boingboing.net/2010/01/16/italy-proposes-manda.html

A law to change the Net into a big TV (only in Italian, 14.01.2010)
http://punto-informatico.it/2786742/PI/Commenti/una-legge-trasformare-…

Italy wants to regulate Google and Youtube (25.01.2010)
http://www.theinquirer.net/inquirer/opinion/1588404/italy-regulate-goo…

Government wants to clamp down on online video (20.01.2010)
http://www.rsf.org/Government-wants-to-clamp-down-on.html

YouTube, EU e-commerce rules under threat (27.01.2010)
http://www.euractiv.com/en/infosociety/youtube-eu-commerce-rules-threa…


Извор: ЕДРИ-грам “Italy wants a licence for uploading videos on the Internet” бр. 8.2, 27 јануари, 2010.