На 14 јануари 2010 година, Нели Крос, поранешниот Комесар за конкуренција, имаше интервју со Комитетите на Европскиот парламент за внатрешниот пазар и индустрии, како лице назначено на позицијата комесар на дигиталната агенда.

Одговарајќи на разните прашања на Комитетот, Крос се осврна на неколку прашања во врска со слободите на вмреженото општество, амандманот 138 на телекомуникацискиот пакет, стандардите за интероперабилност и неутралност на интернетот.

Крос ја поддржа неутралноста на интернетот и изјави дека ова ќе биде главното прашање на нејзината агенда.  „Потребна е отворена и јасна неутралност на интернетот“, изјави Крос која смета дека ЕП мора да внимава на „нови закани за неутралноста на интернетот коишто можат да произлезат од многу извори, а блокирањето и дискриминацијата против VoIP услугите од страна на мобилните оператори во повеќе европски земји се само пример. За мене, клучно е да не ги блокираме можностите за одредени технологии…“

На прашањето што таа подразбира под неутралност на интернетот, Крос одговори: „Суштинското прашање е дали интернет провајдерите и провајдерите на широкопојасен интернет треба да можат да вршат контрола и да го ограничуваат пристапот на корисниците до која било содржина; според мене тоа е недозволиво кога се прави од комерцијално мотивирани причини; туку само за безбедносни причини или кога се работи за спам; но доколку е за комерцијално мотивирани причини, тоа не е неутралност на интернет“.

Г-ца Крос исто така беше интервјуирана по втор пат од истите Комитети на сослушување зад затворени врати. Нејзиното мислење за неутралноста на интернетот беше сè уште исто и таа предложи самит за „отворениот интернет“ за да се подготви политиката на Комисијата за неутралност на интернетот во текот на 2010 година.

Запрашана за фундаменталните права, слободата на изразување и приватноста во однос на ACTA (Трговски договор против фалсификување), Крос изјави дека ACTA е закана за неутралноста на интернетот и законодавството на Заедницата и рече: „Целта на Комисијата е нашите меѓународни партнери да го гарантираат истото ниво на заштита што го обезбедува ЕУ“.

Авторските права се чувствително прашање според Крос, којашто смета дека „сè додека постојат различни национални правила за авторски права, ќе биде тешко да се има пан-европска иницијатива за пиратеријата“ и таа изрази желба за соработка со комесарот Мајкл Барние.  Ова е контрадикторно бидејќи Барние ја поддржува примената на построги мерки против пиратеријата кои ја загрозуваат неутралноста на интернетот како и единствениот европски дигитален пазар кој Крос исто така го поддржува.

Запрашана дали таа има намера да создаде функција Регулатор на сајбер-просторот на ЕУ, Крос одговори дека наместо тоа, таа повеќе би сакала да се зајакне улогата на ЕНИСА.

Таа исто така изјави дека сака 100 проценти достапност на широкопојасниот интернет низ ЕУ, за да се „подобри конкурентноста и да се овозможи креирање на нови работни места, поголема продуктивност и економски раст“.

Новата комисија се очекува да биде формирана до 10 февруари.

Summary of hearing of Neelie Kroes – Digital Agenda (14.01.2010)
http://www.europarl.europa.eu/hearings/press_service/product.htm?langu…

Written answers by Neelrie Kroes – Hearing with Neelie KROES, Vice-President designate of the Commission/Commissioner-designate for Digital Agenda (22.12.2009)
http://www.europarl.europa.eu/hearings/static/commissioners/answers/kr…

Neelie Kroes: can she protect Net Neutrality? (14.01.2010)
http://www.iptegrity.com/index.php?option=com_content&task=view&am…

Commissioner Kroes commits herself to Net neutrality (15.01.2010)
http://www.laquadrature.net/en/commissioner-kroes-commits-herself-to-n…

Kroes to uphold net neutrality in Europe (18.01.2010)
http://news.zdnet.co.uk/communications/0,1000000085,39994505,00.htm

Извор: ЕДРИ-грам „Commissioner Kroes on Net Neutrality” бр. 8.2, 27 јануари, 2010.