На 21 и 22 мај, фондацијата Метаморфозис и Институтот за човекови права и мир од Каен организираат меѓународна конференција на тема Слобода и приватност на интернет. Настанот е дел од долгогодишниот проект за децентрализирана соработка помеѓу Македонија и регионот Долна Нормандија, поддржана од мрежата Франција-Балкан, а ќе се одржи во салата City Hall во Скопје.
Првиот ден ќе биде посветен на приватноста на интернет, а вториот на слободата на изразување, при што експерти од Македонија, Бугарија, Албанија, Босна и Херцеговина, Франција ќе имаат излагања за разни аспекти од овие две области.
Некои од говорниците се: Себастјан Ботро-Бонтер од Институтот за човекови права и мир во Каен, Лејла Бичакчиќ од Центарот за истражувачко новинарство од Сараево, Георги Апостолов од Центарот за побезбеден интернет во Бугарија, претставници од Слободен Софтвер Македонија, ТВ и веб-уредници, експерти за човекови права и говор на омраза.. Модератори на кофренецијата ќе бидат Билјана Бејкова од НВО Инфоцентар и Петрит Сарачини од Македонскиот институт за медиуми.
Темите опфаќаат:
Прв ден: Приватност на интернет (21 мај)
- Правна и институционална рамка на приватноста во ЕУ и во Балканскиот регион
- Приватност во медиумите
- Приватност на децата на интернет
- Приватноста во бизнис секторот
Втор ден: Слобода на изразување на интернет (22 мај)
Коспонзорирано од Computers, Freedom and Privacy (CFP)
- Цензура во медиумите
- Државата и медиумите
- Слобода на изразување и говор на омраза
- Социјални медиуми: слободна територија (трибина)
Твитер хаштагот за конференцијата е #fpi12
Организатори на настанот: |  |
Во рамките на:
Партнери и поддржувачи:
|
