Национална стратегија за развој на електронските комуникации и информатичките технологии
Во новата ера, лидери (земји, региони, компании и индивидуи) ќе бидат оние кои благовремено ќе донесат исправни одлуки базирани на длабоко разбирање на комплексните трендови на информатичките и комуникациските технологии. Оние кои тоа нема да го сторат ризикуваат да останат на маргините на светскиот развој.
Ако сака да биде вклучена во глобалната вмрежена економија и да го држи чекорот со развиените земји, Република Македонија мора да се развива во насока на информатичко општество. За да се постигне тоа, мора да постои партнерство помеѓу Владата, граѓанскиот и бизнис-секторот.
Како резултат на таквото партнерство, во 2005 година беше изработена и со широк конзензус прифатена Националната стратегија за развој на информатичкото општество заедно со акцискиот план за нејзино спроведување. Следен чекор кон развојот на информатичкото општество е донесувањето на Национална стратегија за развој на електронските комуникации и информатички технологии која ќе претставува основен документ кој ќе ја дефинира инфраструктурата на информатичките и комуникациските технологии.
Според Законот за електронски комуникации, Националната стратегија за развој на електронските комуникации и информатички технологии ја изработува Министерството за транспорт и врски на Република Македонија. За таа цел е оформена работна група во која членуваат претставници на Министерството за транспорт и врски, единиците на локална самоуправа, бизнис-секторот, граѓанскиот сектор, регулаторните тела и др.
Национална стратегија за развој на електронските комуникации и информатички технологии ќе ги дефинира мерките кои се однесуваат на основната инфраструктурна подлога за информатичкото општество, која е неопходна за да се воведат и да се развиваат основните постулати на информатичкото општество (е-владеење, е-образование, е-бизнис, и др.), а крајна цел на оваа стратегија е она кон кое сите се стремиме – подобрувањето на квалитетот на животот во Македонија.
Двете стратегии, Националната стратегија за развој на информатичкото општество и Национална стратегија за развој на електронските комуникации и информатички технологии, ќе бидат основа за изготвување стратегии кои подобро ќе ги дефинираат сите аспекти на информатичкото општество во Македонија.
Работната група, во чијашто работа учествуваат и претставници на Фондацијата Метаморфозис, ќе ја заврши нацрт-верзијата на 28 февруари, а веќе од 1 март текстот ќе биде достапен за пошироката јавност и преку конструктивна јавна расправа треба да се добие квалитетна стратегија којашто Парламентот на Република Македонија на предлог од Владата ќе треба да ја официјализира.
Николче Мицкоски
Сподели:
Национална
стратегија
за
развој
на
електронските
комуникации
и
информатичките
технологии
Останати блог текстови
Секој министер се пофали и се сликаше за проектот „Една точка за услуги“, но тој никогаш не успеа - Мета.мк Новинска агенција
28.04.2023
Колаж од посетите на владините функционери во канцелариите „Една точка за услуги” / Фото: Државни институции Канцелариите „Една точка за услуги“ кои беа отворени во Скопје, Куманово, Охрид, Битола и во Тетово со цел граѓаните да му кажат „збогум“ на чекањето на шалтерите, ќе бидат затворени и на нивно место ќе бидат отворени 333 шалтери […]
Заштита на вашиот дигитален идентитет: Важноста на „сајбер хигиената“
25.04.2023
Во денешното дигитално доба, поважно е од кога било да преземете чекори за да се заштитите од сајбер заканите. Од вируси и малициозен софтвер па сѐ до измами со фишинг и кражба на идентитет, има многу ризици кои можат да ги компромитираат вашите лични информации и да направат хаос на вашите уреди. Затоа практикувањето добра […]
Комуникација со граѓаните за дигиталната трансформација– важен придонес за премостување на јазот
24.04.2023
Дигиталната трансформација ги менува нашите животи на начини што не можевме да ги замислиме дури ни пред неколку децении. Таа донесе нови можности и предизвици и го трансформира начинот на кој живееме, работиме и комуницираме меѓусебно. Сепак, комуникацијата со граѓаните за дигиталната трансформација може да биде предизвик, особено на Западен Балкан, каде што сè уште […]
Институциите како причина за нарушувања на приватноста во медиумите
19.04.2023
Дури и ако надлежните државни органи откријат приватни податоци на сторител или жртвата, медиумите не смеат да ги пренесуваат тие информации. Грешка од страна на државните органи не значи „дозвола“ за прекршување на етичките начела на професијата. Ова го вели Етичкиот кодекс на српските новинари, но медиумската практика често е сосема поинаква. Зошто е тоа […]
„АДА“, дигиталниот асистент базиран на вештачка интелигенција кој ќе им дава информации на граѓаните за државната помош - Мета.мк Новинска агенција
10.04.2023
Дигиталниот асистент „АДА“; Фото: Влада на РСМ Инвеститорите и граѓаните ќе можат да добиваат информации за програмите за државна помош на Владата на РСМ преку првиот дигитален асистент „АДА“ кој е базиран на вештачка интелигенција. Вака информираат од Кабинетот на вицепремиерот за економски прашања Фатмир Битиќи и Фондот за иновации и технолошки развој (ФИТР), по […]
Употребата на вештачката интелигенција во државните институции е корисна, но опасна е ако се злоупотреби - Мета.мк Новинска агенција
09.04.2023
Фото: Pixabay.com Користењето на вештачката интелигенција во јавниот сектор би помогнало да се зголеми квалитетот на услугите, да се заштеди времето и парите на граѓаните, но и да се спречи корупцијата. Меѓутоа, ако вештачката интелигенција се користи нетранспарентно, последиците ги надминуваат придобивките. Ова го велат експертите за влијанието на вештачката интелигенција доколку се користи од […]
