Просечниот интернет-корисник во САД не е сигурен што претставува podcasting, за што служи RSS feed и што значи поимот phishing
Голем број интернет-корисници не знаат основна дефиниција за некои од најжешките иновации на интернет и за една од најсериозните опасности на интернет. Во истражувањето што го спроведе организацијата Pew Internet & American Life Project низ Америка, испитаниците требало да дефинираат неколку интернет-поими. Резултатите покажуваат дека некои поими им се добро познати, но поимите podcasting и RSS feeds се непознати за мнозинството интернет-корисници, а поимот phishing сè уште е странски збор за многумина.
Најмногу испитаници (88%) знаеле да ја дефинираат несаканата пошта, односно спемот (spam), 78% го дефинирале заштитниот ѕид (firewall), шпионските програми (spyware) биле познати за 78% од испитаниците, интернет-колачињата за 68%, а програмите за рекламирање (adware) ги дефинирале 52% од испитаниците. Спротивно на ова, само 9% од испитаниците дале задоволителна дефиниција за RSS feeds, 13% знаеле што значи поимот podcasting, додека измамничките напади ги дефинирале 29% од испитаниците.
