Колективната сајбер-безбедност е од суштинско значење за да се осигурaме дека граѓаните компетентно, безбедно и одговорно навигираат низ дигиталната средина и ги користат придобивките од технологијата. Преку заштитување на нашето онлајн присуство, градиме општество кое ја почитува приватноста, безбедноста и етичката употреба на нови технологии, со што се култивира сајбер-отпорен екосистем. Ова е борба во Северна Македонија каде што мнозинството граѓани, особено ранливите групи на граѓани, поради недостаток на дигитална писменост и ограничениот пристап до дигитална инфраструктура, остануваат ранливи во нивните онлајн активности со само неколку јавни правни лекови, што често резултира со кражба на нивните лични податоци и идентитет, говор на омраза, ширење на дезинформации, дури и финансиска загуба. Ова исто така важи и за граѓанските организации, особено оние кои работат со ранливи групи на граѓани, на кои често им недостасуваат ресурси и капацитети да го заштитат сопственото и присуството на нивните конституенти на интернет.
Цел на проектот: Поттикнување на екосистем отпорен на сајбер закани преку зајакнување на граѓанските организации и подигање на свеста на граѓаните за сајбер заканите и сајбер хигиена.
Очекувани резултати:
- Промовирана колективна култура на сајбер безбедност и одговорно онлајн однесување во заедницата;
- Зајакнати и едуцирани граѓански организации, способни да применуваат добри практики за сајбер безбедност и да ја зголемат нивната отпорност на сајбер заканите, преку обуки за градење капацитети и менторство;
- Засилена свест за сајбер безбедност и сајбер хигиена на граѓаните преку промотивна кампања за подигање на свеста;
Проектни активности:
- Три обуки за 30 граѓански активисти од 20 граѓански организации, проследени со менторство за заинтересираните обучени граѓански организации за дизајнирање на персонализирани планови за дигитална безбедност, со цел да се зајакнат нивните капацитети и да се поттикне ефектот на зајакнување на колективната отпорност на сајбер закани преку овие омоќени активисти;
- Три подкасти и три видео туторијали за прашања поврзани со сајбер безбедност и практикување редовна сајбер хигиена.
Временска рамка: 7 месеци (1.3.2025 – 30.9.2025)
Преку проектните активности се поттикнува свест и разбирање меѓу заедницата за важноста на сајбер безбедноста, осигурувајќи се дека прашањата за правилна и редовна сајбер хигиена и ефикасно справување со сајбер заканите (фишинг, социјално инжинерство, малициозни софтвери, онлајн дезинформации, кражба на лични податоци, итн.) го добиваат потребното внимание, ресурси и заеднички напори потребни за ефективни решенија.
Проектот „СајберШтит: Омоќени граѓани за сајбер отпорност“ е поддржан со грант Национална интервенција на регионалниот проект „СМАРТ Балкан – Граѓанско општество за поврзан Западен Балкан“ имплементиран од Centar za promociju civilnog društva (CPCD), Центар за истражување и креирање политики (ЦИКП) и Институтот за демократија и медијација (ИДМ, а финансиски поддржан од Министерството за надворешни работи на Кралството Норвешка.
