Изразуваме длабока загриженост поради ненадејната одлука на владата на Замбија да го откаже самитот RightsCon 2026 само неколку дена пред конференцијата да започне. RightsCon е најголемото годишно собирање на глобалната заедница за дигитални права и претставува клучен момент во календарот за поддршка на демократијата секоја година.
Фактичкото откажување на RightsCon е во спротивност со демократските стандарди утврдени во Меѓународниот пакт за граѓански и политички права, како и во спротивност со Уставот на Замбија, особено во однос на слободата на изразување и слободата на обединување. Дополнително, оваа одлука негативно ќе влијае врз угледот на Замбија во глобалната демократска заедница и претставува удар за националната економија. Ова придонесува и кон глобалниот тренд на ограничување и потиснување на граѓанското општество, кое веќе е ослабено поради значајни кратења во финансирањето, но и поради закони што го ограничуваат граѓанскиот простор.
Ја повикуваме Европската Унија и нејзините земји членки да ја информираат владата на Замбија дека оваа одлука е длабоко загрижувачка и фрла сенка врз соработката на ЕУ со Замбија. Исто така, ги охрабруваме претставниците што ќе учествуваат на Светскиот ден на слободата на медиумите на УНЕСКО, кој се одржува следната недела во Лусака, да ја искористат оваа платформа за да ја осудат оваа репресивна одлука на владата на Замбија.
Ја повикуваме владата на Замбија целосно да ги почитува правата и слободите на учесниците на RightsCon кои веќе пристигнале или се на пат кон Лусака.
Ја изразуваме нашата целосна солидарност со организаторот на конференцијата, Access Now, како и нејзиниот локален партнер Bloggers for Zambia. Тие вложија неуморен труд за овој настан да биде успешен и да придонесе за унапредување на дигиталните права и демократијата во светот. Остануваме цврсто посветени на натамошната заедничка работа за унапредување на демократијата, како во онлајн, така и во офлајн сферата.
Потписници:
Accountability Lab
Accountability Lab East and Southern Africa
Association of European Journalists in Belgium (AEJ Белгија)
Blueprint for Free Speech
Centre for Democracy and Technology Europe
Civil Liberties Union for Europe (Liberties)
Club de Madrid
Danes je nov dan, Inštitut za druga vprašanja (Словенија)
Demo Finland
Digitale Gesellschaft (Германија)
DW Akademie (Германија)
European Digital Rights (EDRi)
Electronic Frontier Finland – Effi ry
European Association for Local Democracy (ALDA)
European Center for Not-for-Profit Law (ECNL)
European Exchange GmbH
European Sex Workers Rights Alliance
Fundación Maldita.es (Шпанија)
IFEX
IT-Political Association of Denmark (IT-Pol Данска)
Media Diversity Institute
Media Voice – Media and Communication Educational and Research Center
Фондација за интернет и општество „Метаморфозис“ (Северна Македонија)
Mnemonic
Politiscope
Privacy Network (Италија)
The European Fact-Checking Standards Network
WHAT TO FIX
Zašto ne (Босна и Херцеговина)
