Финскиот Врховен управен суд донесе одлука за локалните избори одржани во 2008 г., кога беше тестиран системот на електронско гласање.
Во својата одлука, Судот застана на страната на жалителите, отфрлајќи ја претходната одлука на Хелсиншкиот управен суд и одлуките на општинските централни изборни комитети со кои беа одобрени изборните резултати. Како резултат на тоа, трите општини што учествуваа во финскиот пилот-проект за е-гласање сега мора што поскоро да одржат нови избори. Бидејќи пилот-проектот за е-гласање заврши, а законот со кој се одобрува е-гласање не важи од декември 2008, на новите избори ќе се користи традиционален систем на гласање со гласачки ливчиња.
Одлуката на Врховниот управен суд се базираше на две точки: прво, упатствата за гласање кои гласачите ги добија по пошта беа неточни, и како второ, корисничкиот интерфејс на терминалите за е-гласање имаше недостатоци.
При процесот на гласање секој гласач користеше смарт картичка, а по прераното отстранување на картичката, терминалите за гласање не покажуваа дека гласот не бил земен предвид. Бидејќи системот не користеше гласачки ливчиња од гласачите, тие може да имале впечаток дека гласот всушност бил даден.
Значајно е што Судот не се осврна на општата законитост на е-гласањето. Според финските закони со кои се овластува е-гласањето, електронските гласачки кутии би требало да бидат архивирани до следните избори. Овие електронски гласачки кутии содржат криптирани информации за тоа кој и како гласал. Ова претставува ризик за тајноста на гласачите. Сепак, Судот одби да пресуди дали ова било незаконски, или дали електронската гласачка кутија треба да се уништи.
Понатаму, Судот не се осврна на прашањето дали системот за е-гласање треба да биде потранспарентен. Значителен дел од дизајнот на системот од финскиот пилот-проект за е-гласање беше прогласен за „деловна тајна“, а изворниот код на системот е затворен. Одлуката на судот сè уште го остава отворено прашањето дали системите за е-гласање ќе може да се воведат во иднина.
E-voting appeal won: we have new elections! (9.04.2009)
http://www.turre.com/2009/04/e-voting-appeal-won/
Effi’s e-voting ‘shadow report’ in English (1.09.2008)
http://www.effi.org/blog/2008-09-01-evoting-report-in-english.html
Finnish e-voting system must not stay a trade secret (11.02.2008)
http://www.effi.org/system/files?file=FinlandEVotingTradeSecret_200802…
Council of Europe report on the Finnish e-voting pilot (1.12.2008)
https://wcd.coe.int/ViewDoc.jsp?id=1380337&Site=Congress
EDRi-gram: An error margin of 2% in municipal elections ruled acceptable in Finland (11.02.2009)
http://www.edri.org/edri-gram/number7.3/evoting-finland-2percent
