Ekspertet Marina Tuneva dhe Biljana Bejkova i prezantuan gjetjet kryesore nga monitorimi gjatë fushatës zgjedhore të zgjedhjeve të fundit parlamentare në lidhje me përfaqësimin e grave dhe kategorive të cenueshme sociale në mediat online (portalet në internet).

Foto: Meta.mk

Reklamat e paguara politike në zgjedhjet e fundit parlamentare u dominuan nga meshkujt. Gratë janë më pak të përfaqësuara, nuk ka asnjë theks në diversitetin gjinor. Ky është përfundimi që u theksua në brifingun e sotëm me gazetarët, të organizuar nga Fondacioni për Internet dhe Shoqëri – “Metamorfozis” dhe Fondacioni Ndërkombëtar për Sisteme Zgjedhore (IFES).

Në këtë ngjarje, ekspertet Marina Tuneva dhe Biljana Bejkova i prezantuan gjetjet kryesore nga monitorimi gjatë fushatës zgjedhore të zgjedhjeve të fundit parlamentare në lidhje me përfaqësimin e grave dhe kategorive të cenueshme sociale në mediat online (portalet në internet). Në brifing u shqyrtuan aspekte të ndryshme të portretizimit të grave dhe kategorive të cenueshme sociale në fushatat në mediat online dhe në reklamat e paguara politike.

“Gjetjet e analizës, gjegjësisht monitorimi i “Metamorfozis”, i cili përfshinte 32 portale, tregoi se e ka komponentin e barazisë gjinore. Të dhënat e monitorimit treguan se mosbalancim gjinor në mbulimin e zgjedhjeve parlamentare. Kandidatet, madje edhe ato me poste të rëndësishme, bartëse të listave, kishin dukshëm më pak vëmendje. Në banerët që u vendosën, 21 për qind kishte gra, kurse dy partitë më të mëdha blenë dy të tretat e banerëve. U konfirmua se reklamimi i paguar politik me pagesë dominohet nga meshkujt. Gratë janë më pak të përfaqësuara”, tha Bejkova.

Ajo foli edhe për përmbajtjet mediatike, përkatësisht për praninë e pamjaftueshme të grave dhe të barazisë gjinore.

“Madje edhe kandidatet, të cilat janë të zëshme publikisht, nuk e shfrytëzuan fushatën për t’i imponuar këto tema. Raportimi ishte kryesisht sipërfaqësor, kurse në narrative kishte një përforcim të stereotipeve gjinore, narrativet për gratë ndërtoheshin rreth qëndrimeve patriarkale. “Nuk ka konsistencë në gjuhën e ndjeshme gjinore,” shtoi Bejkova.

Profesoresha Marina Tuneva, ndërkaq foli për trajtimin e grupeve të margjinalizuara në përmbajtjet mediatike.

“Për sa i përket identitetit etnik, ai ka luajtur rolin e tij në politikat dhe programet që synojnë ndarjen dhe kohezionin. Ekziston një narrativ ndërkulturor për një shoqëri për të gjithë. Patriotizmi u prezantua si sinonim i progresit socio-ekonomik. Brukseli shfaqet si një qëllim unifikues, duke e theksuar me këtë rast të ardhmen e përbashkët për të gjithë. Pastaj, ka një nënpërfaqësim të grupeve të cenueshme në narrativet politike. Mediat i transmetuan deklaratat e politikanëve, por pa kritika. Nëse ka tregime të dëmshme në rrjetet sociale, ato përforcohen kur publikohen tekstet. Një matricë tjetër e dukshme është se nuk ka kontroll mbi mesazhet politike që përcillen gjatë zgjedhjeve. Ekziston një mënyrë identike e paraqitjes së këtyre narrativeve, prandaj ka edhe shumë tekste të ngjashme në portale të ndryshme. Nuk bëhen përpjekje për ta analizuar më thellësisht atë që thuhet, për të bërë krahasime me të kaluarën, etj”, tha prof. Tuneva.

Sa i përket rekomandimeve, është e nevojshme të përfshihen dispozita për përfshirjen, ndalimin e gjuhës së urrejtjes dhe respektimin e dinjitetit njerëzor, si dhe të sigurohet transparencë në ndarjen e fondeve shtetërore. Gjithashtu, ekspertët presin edhe ndryshime në Ligjin për Mediat. Sipas tyre, nevojitet mbikëqyrje e pavarur e informimit të paguar politik, si dhe ndëshkime për keqpërdorimin e fondeve shtetërore.

“Duhet të respektohet Kodit, duhet të shmangen narrativet në komunikimin dhe buxheti duhet të shpërndahet në mënyrë gjithëpërfshirëse. “Mediat online duhet t’i përmbahen kornizës etike,” thanë ato.

E pyetur nëse pritet të shihet e njëjta pasqyrë edhe në zgjedhjet e ardhshme lokale për sa i përket përfaqësimit të grave dhe kategorive të cenueshme sociale në mediat online (portalet në internet), Bejkova vlerësoi se situata mund të jetë edhe më e keqe se ajo që ekziston tani.

“Situata edhe tani është e keqe nga perspektiva e barazisë gjinore, por ndoshta përmes një procesi të vetërregullimit dhe nëse ka vullnet të mirë politik, ndoshta diçka mund të përmirësohet” – tha ajo.

Hulumtimi tregoi se në vetëm 21 për qind të banerëve janë paraqitur gra, dhe vetëm katër nga 11 parti kishin gra në banerët e tyre. Nga gjithsej 44 kandidatë nga 11 partitë që ishin paraqitur në banerë, vetëm nëntë ishin gra. Më së shumti gra u paraqitën në reklamat e dy partive më të mëdha, VMRO-DPMNE-së dhe LSDM-së, që ka të ngjarë të jetë për shkak të numrit më të madh të reklamave nga ato parti në krahasim me partitë më të vogla, gjë që bëri që një numër përgjithësisht më i madh i kandidatëve të paraqiteshin në materialin reklamues, gjë që u dha më shumë hapësirë edhe kandidateve femra.

Marrë nga Meta.mk

Ndaje: