Ç’është gazetaria e bazuar në të dhëna, ç’janë të dhënat, si të gjenden ato dhe si të merren në formatin e dëshiruar, si të filtrohen dhe si të analizohen dhe si të vizualizohen rezultatet.
Kjo ishte një pjesë e agjendës së Trajnimit për gazetarë të bazuar në të dhëna që u mbajt këtë fundjavë, më 28 dhe 29 nëntor në Coffice në Shkup, në organizim të Fondacionit Metamorfozis, Shkollës për të dhëna dhe Open Knowledge Foundation, e me mbështetje të Ambasadës britaneze në Shkup.
Mbi 15 pjesëmarrës, të ndarë në disa grupe sipas njohurive të tyre, gjatë trajnimit dyditor punuan në ide për storje të bazuara në të dhëna të ndara sipas fushave: korrupsioni, zgjedhjet dhe sporti.
Google Advances Search, PDF Tables, Web Scraper, Open Refine, Google Sheets, IFTTT, Infogr.am, Odyssey, Datawrapper, Silk, TimelineJS, janë vetëm një pjesë e veglave pa pagesë të cilat iu prezantuan pjesëmarrësve.
Kurse të karakterit të këtillë, si dhe veglat e rekomanduara për përpunimin e të dhënave gjenden në ueb-faqen e Shkollës për dhëna – Maqedoni.
Trajnimi u zhvillua në gjuhën angleze, ndërsa trajnues ishte Маrkо Tulio Pires, menaxher programor i School of Data në kuadër të Open Knowledge Foundation.
Аlbumin me fotografi nga trajnimi mund ta shihni në faqen tonë në Facebook dhe në Flickr.
Qëllimi i projektit është që duke e formuar Shkollën për të dhëna – Маqedoni t’i nxisë organizatat qytetare, mediet dhe individët që nxisin ndryshime, t’i kuptojnë dhe t’i shfrytëzojnë të dhënat e hapura zyrtare qeveritare dhe të dhënat e tjera të hapur me qëllim që të rritet përgjegjësia e qeverisë, të përmirësohet ofrimi i shërbimeve dhe të rritet pjesëmarrja e qytetarëve në krijimin e politikave.
Ndaje:
