Disa arsimtarë nga qytete të ndryshme të Republikës së Maqedonisë mbajtën trajnime për arsimtarët e shkollave fillore në qytetet e tjera në temën “Liria e të shprehurit dhe privatësia në kohën digjitale”. Qëllimi i këtij trajnimi është të zhvillohen njohurit për lirinë e të shprehurit dhe privatësinë në hapësirën digjitale, të përforcohen aftësitë për avancimin, mbrojtjen dhe zbatimin e lirisë së të shprehurit dhe privatësisë në hapësirën digjitale gjatë punës me nxënës dhe të krijohet mundësia për realizimin e punëtorive me nxënës me qëllim të përforcimit të lirisë së të shprehurit dhe të privatësisë në hapësirën digjitale.
Përmbajtjet e prezantuara në këto trajnime ishin:
Liria e të shprehurit
- Definimi i lirisë së të shprehurit si e drejtë e njeriut
- Dokumentet ndërkombëtare në të cilat përcaktohet e drejta për lirinë e të shprehurit
- Liria e të shprehurit dhe hapësira digjitale
- Shkelja e lirisë së të shprehurit (ofendimi, shpifja)
- Shembuj të nxjerrë nga Doracaku për gjuhën e urrejtjes
- Dispozitat ndëshkuese për gjuhën e urrejtjes
- Liria e të shprehurit dhe mediat digjitale (informata, përpunimi i informatave në hapësirën digjitale)
Sajber dhuna
- Definimi i termit sajber-dhunë
- Dallimet ndërmjet sajber-dhunës dhe sajber-keqpërdorimit
- Shembuj të sajber-dhunës (broshura – Sajber-dhuna edhe ajo është dhunë)
Privatësia
- Definimi i termit privatësi
- Shembuj për shkeljen e privatësisë
- Mbledhja e të dhënave personale nëpërmjet internetit
- Politika për privatësi
Arsimtarët që morën pjesë në këtë trajnim, do të organizojnë ngjarje që lidhen me përmbajtjet e këtij trajnimi në shkollat ku mbajnë mësim.
Këto trajnime janë pjesë e projektit “Bashkëpunimi i decentralizuar ndërmjet Rajonit të Normandisë së Ulët dhe Republikës së Maqedonisë.
Ndaje:
