Во организација на Фондацијата за интернет и општество – Метаморфозис, на 15 мај 2018 г. во Универзитетот на Југоисточна Европа – Амфитеатар ЛХ4 во Тетово се одржа јавниот настан за размена на знаења и искуства „Слобода на интернет“.
Настанот беше посветен на претставување на прелиминарните извештаи од проектот „Слобода на интернет“ поврзани со заштита на човековите права, како и претставување на резултатите од мерењата за отвореноста на институциите од проектот „Одговорност, Технологија и Мрежа на Институционална Отвореност во Југоисточна Европа“. Овој настан беше поддржан и од Асоцијацијата за прогресивни комуникации како дел од проектот Унапредување, обликување и поддржување на слободите на интернет.
Дискусијата која се разви на настанот беше со особен акцент на подигање на јавната свест за меѓународните правни стандарди кои треба да се применат а исто така се споделија и искуствата на правници, новинари, академски истражувачи и практичари кои работат во овие области во Македонија.
Основа за дискусијата беа
- прелиминарните извештаи за слобода на интернет достапни на http://metamorphosis.org.mk/aktivnosti_arhiva/sni/
- Индексот на отвореност на институциите достапен на https://opennessindex.actionsee.org/
Сподели:
