Metamorfozis i jep përkrahje të plotë Deklaratës së Brukselit për privatësi, dhe i inkurajon edhe organizatat dhe individët e tjerë nga Maqedonia dhe më gjerë, të cilat/cilët konsiderojnë se është me rëndësi të mbrohen të drejtat e njeriut, që të bashkangjiten duke e nënshkruar atë.

 

Janar 2013

Deklarata e Brukselit për privatësi

Privatësia është e drejtë themelore e njeriut, por sot ajo është e injoruar me të madhe. Ne jemi të revoltuar.

Ne e shprehim revoltën tonë për shkak se:

  • Ne, qytetarët, tani gjendemi në qindra baza të të dhënave, kryesisht pa dijen ose pëlqimin tonë,
  • Mbi 1200 kompani janë të specializuara për tregti me të dhënat tona personale, kryesisht pa dijen ose pëlqimin tonë,
  • Çdo herë kur kërkojmë në internet, mbi 50 kompani e mbikëqyrin çdo klik tonin, kryesisht pa dijen ose pëlqimin tonë,
  • Vazhdimisht jemi të kategorizuar dhe të vlerësuar nga ana e algoritmave dhe pastaj trajtohemi sipas “vlerës së perceptuar” të cilën ne kryesisht e formojmë pa dije ose pëlqimin tonë,
  • Aktualisht lobimi është duke i zëvendësuar zërat e qytetarëve evropianë dhe shqetësimin që e shprehin ata.

I ftojmë anëtarët e Parlamentit Evropian dhe qeveritë e të gjitha vendeve anëtare të Bashkimit Evropian t’i përmirësojnë dhe t’i zbatojnë të drejtat tona për privatësi.

Presim që rregullat e reja evropiane për mbrojtjen e të dhënave të sigurojnë:

  • Mbrojtje të të gjitha informatave personale, duke i përfshirë edhe indikatorët për harduer dhe softuer,
  • Njohje të faktit se çdo qytetar evropian ka të drejtë që në mënyrë efektive t’i kontrollojë informatat e tija/saja personale,
  • Pëlqim eksplicit, i fortë dhe i informuar për përpunimin e të dhënave tona personale,
  • Ndërprerje të lidhjes së shfrytëzimit të shërbimeve me përdorimin e të dhënave personale (të mos ketë më politika “merre ose lere” në internet)
  • Transparencë në përpunimin dhe përbashkimin (shpërndarjen e të dhënave,
  • Mbartshmëri “të mirëfilltë” të të dhënave me qëllim të promovimit të konkurrencës dhe zvogëlimit të “mbylljes” në softuerë komercialë, si dhe arritje të vetëpërcaktimit të informatave.
  • Mbrojtje të fortë kundër formimit të profileve/dosjeve të fshehta të qytetarëve, si në internet ashtu edhe oflajn
  • Mekanizma efektive për dëmshpërblim dhe imponim të sanksioneve për kompanitë dhe organet qeveritare që nuk e respektojnë ligjin

Privatësia nevojitet për ardhmërinë e Evropës, dhe ju na duheni që tani ta mbrojmë këtë të drejtë fundamentale.

Që të nënshkruheni, e gjitha që duhet ta bëni është që, më së voni deri më 30.01.2013, të dërgoni e-mail në sign@brusselsdeclaration.net me emrin tuaj, vendin dhe profesionin ose anëtarësinë po qe se dëshironi, në përmbajtjen e e-mailit. Ju faleminderit.

Politika për privatësi (anglisht)

Promovues:

  • Bits of Freedom
  • EPIC, SHBA (Electronic Privacy and Information Center – EPIC, United States)
  • Të drejtat evropiane digjitale – EDRI (European Digital Rights – EDRI)
  • Privacy International