Si pjesë e Programit të Aktivizmit Digjital, të udhëhequr nga TechSoup në bashkëpunim me partnerët rajonalë, i prezantojmë raportet për hartëzimin rajonal të dezinformatave dhe i shoqërisë civile për periudhën 2023-2024. Këto raporte fokusohen në katër rajone kyçe në Evropën Qendrore dhe Lindore: Ballkani Perëndimor, Rajoni i Vishegradit, Rajoni i Detit të Zi dhe Balltiku. Secili raport ofron një analizë gjithëpërfshirëse të tendencave të dezinformatave, ndikimit të aktorëve të jashtëm, luftës në Ukrainë dhe sfidave unike me të cilat përballen organizatat e shoqërisë civile në këto rajone, si dhe nevojat që ato i kanë për ta kryer me efektivitet misionin e tyre.
Që nga viti 2018, Programi i Aktivizmit Digjital i TechSoup-it dhe i partnerëve të tij në Evropën Qendrore dhe Lindore (EQL) dhe më gjerë, i është përkushtuar fuqizimit të organizatave të shoqërisë civile për të ndërtuar qëndrueshmëri duke ofruar mjete dhe aftësi praktike. Duke i nënvizuar nevojat dhe mangësitë e shoqërisë civile, këto raporte synojnë t’ua sjellin organizatave njohuritë e fituara se si të forcojnë rezistencën e tyre ndaj dezinformatave dhe të mundësojnë përshtatjen efektive të strategjive të tyre në kontekstin e ndryshuar shoqëror.
