Në këtë raport do të analizohen artikujt mbi zgjedhjet parlamentare në Maqedoninë e Veriut të publikuar nga 30 (tridhjetë) portale të përzgjedhura informative të internetit (në tekstin e mëtejmë, PII) në periudhën prej 15 prill deri më 10 maj të vitit 2024. Në këtë grup portalesh, njëzet e dy PII publikojnë lajme në gjuhën maqedonase, ndërsa tetë publikojnë përmbajtje në gjuhën shqipe. Në monitorim u përfshinë PII-të të cilat janë vënë në listën e Komisionit Shtetëror të Zgjedhjeve (KSHZ) si faqe interneti të cilat sigurojnë reklamim të paguar politik për fushatën zgjedhore për deputetë[1]. Përveç kësaj, në periudhën e njëjtë ishte bërë edhe analiza e banerëve reklamues të PII-ve të përzgjedhura, ndërsa në monitorim u përfshinë edhe dy grumbullues lajmesh [2].
Rezultatet e hulumtimit vërtetuan se PII-të vendore e rritën ndejshëm numrin e informimeve për aktivitetet partiake gjatë fushatës zgjedhore krahasuar me informimin e tyre të rregullt për temat politike. Te PII-të të cilat informuan në vëllim më të madh për zgjedhjet në përgjithësi u tregua se ka njëanshmëri dhe mbështetje për pjesëmarrësit e caktuar në zgjedhje, gjegjësisht se se mbulimi i tillë dhe numri i madh i artikujve për zgjedhjet ishin në drejtim të mbështetjes së fushatave të pjesëmarrësve në zgjedhje.
