Fondacioni Metamorfozis, së bashku me Osservatorio Balcani Caucaso Transeuropa, publikon Raportin në hije për liritë e mediave në Maqedoninë e Veriut.
Ky raport ofron një pasqyrë të përditësuar të peizazhit mediatik në Maqedoninë e Veriut. Ai i thekson si zhvillimet pozitive ashtu edhe sfidat e vazhdueshme ose të reja në sektorin e mediave. Raporti përmban gjithashtu një sërë rekomandimesh drejtuar institucioneve shtetërore dhe palëve të interesuara në Bashkimin Evropian, duke u bërë thirrje për të ndërmarrë hapa vendimtarë për të mbrojtur lirinë e mediave në përputhje me standardet evropiane dhe ndërkombëtare.
Raporti dhe rekomandimet e tij u hartuan si pjesë e iniciativës së Reagimit të Shpejtë për Lirinë e Medias (Media Freedom Rapid Response), një mekanizëm evropian që i monitoron, dokumenton dhe reagon ndaj shkeljeve të lirisë së shtypit dhe të mediave në shtetet anëtare të BE-së dhe vendet kandidate. Ai mbështetet edhe në aktivitetet hulumtuese dhe avokuese të mbështetura nga projekti “Avokimi Transnacional për Lirinë e Informimit në Ballkanin Perëndimor – ATLIB 2”, i bashkëfinancuar nga Ministria Italiane e Punëve të Jashtme dhe Bashkëpunimit Ndërkombëtar.
Autorë të raportit janë Serena Epis nga OBCT, si dhe Zoran Riçliev dhe Goran Rizaov nga Fondacioni Metamorfozis.
