Me mbështetjen e Fondacionit Kombëtar për Demokraci, Fondacioni Metamorfozis, në bashkëpunim me partnerë nga rrjeti rajonal i OShC-ve – Përgjegjësi, Teknologji dhe Rrjet i institucioneve të hapura në rajon Evropën Juglindore (ACTION SEE), përgatiti një vlerësim mbi gjendjen e qeverisjes së mirë të pushteteve ekzekutive në katër vende të Ballkanit Perëndimor – Maqedonia e Veriut, Serbia, Mali i Zi dhe Bosnja e Hercegovina.
Vlerësimi bazohet në një hulumtim empirik gjithëpërfshirës, bazuar në Indeksin e Hapjes dhe synon të përcaktojë në çfarë mase respektohen parimet e qeverisjes së mirë në rajon. Ky dokument gjithashtu ofron një analizë të detajuar të punës së pushtetit ekzekutiv në Republikën e Maqedonisë së Veriut, si dhe një përmbledhje të performancës së përgjithshme të institucioneve përkatëse në rajonin tonë. Perspektiva rajonale shërben si referencë për mënyrën se si shtetet në rajon po përparojnë drejt përmirësimit të qeverisjes së mirë dhe sundimit të ligjit, që i çon ato drejt objektivit strategjik – anëtarësimit në BE.
Dokumenti pasurohet me rekomandime praktike për mënyrën se si pushteti ekzekutiv në Maqedoninë e Veriut mund të përmirësojë respektimin e parimeve të qeverisjes së mirë në të ardhmen. Rekomandimet do t’u komunikohen zyrtarëve të lartë të institucioneve të monitoruara përmes takimeve, si dhe publikut përmes rrjeteve sociale dhe ngjarjeve publike.
Hulumtimi u realizua ndërmjet shkurtit dhe majit 2024.
