Më 28 mars, në hotelin Porta, shoqata “Hapni dritaret” mbajti konferencën me titull “Për shkolla fillore me e-qasje: Teknologjia asistuese në arsimin fillor në Maqedoni”. Rreth njëqind pjesëmarrës ishin unanim se zbatimi i teknologjisë asistuese i përmirëson mundësitë arsimore të nxënësve me hendikep. Konferencën e hapën drejtori i Misionit të USAID-it në Maqedoni, Robert Vurc dhe Natasha Janevska, këshilltare shtetërore në Ministrinë për arsim dhe shkencë. Prania e mysafirëve të lartë u shfrytëzua që publikisht të ndahen shpërblimet për punimet më të suksesshme të konkursit “Kompjuteri – dritarja ime drejt botës”.
Përfaqësues të institucioneve arsimore lokale dhe shtetërore, organizatat relevante të qytetarëve, drejtorët e shkollave, arsimtarët dhe prindërit e nxënësve me nevoja të veçanta arsimore morën pjesë në pjesën punuese.
Të pranishmit u informuan dhe diskutuan për përpjekjet e institucioneve relevante në drejtim të përmirësimit të e-inkluzionit në arsimin fillor. Me anë të shembujve pozitivë, përfaqësuesit e shkollave dhe prindërit i përbashkuan përvojat fillestare nga hapat pioniere për futjen e teknologjisë asistuese në arsim.
Pjesëmarrësit u pajtuan se teknologjia asistuese i rrit mundësitë arsimore për nxënësit me nevoja të veçanta arsimore dhe propozuan masa për futjen e saj në mënyrë sistematike në arsim.
Përfundimet dhe rekomandimet nga konferenca do të publikohen në një publikim të veçantë, si pjesë e projektit “Qasje e barabartë për mundësi të barabarta”, që është i financuar nga USAID-i.
Që t’i shihni prezantimet e folësve në konferencë, vizitoni këto linke:
- Radmilla Stojkovska Aleksova, defektologe në “Hapni dritaret”: Prezantim: е-Qasja dhe arsimi fillor
- Martin Todevski, Departamenti për zhvillim dhe promovim të shoqërisë informatike pranë MSHIA-së: Prezantim: Strategjia nacionale për e-inkluzion
- Rosica Koleva: Prezantim: Praktikat inkluzive të përdorimit të TA në arsimin fillor në Angli
- Marija Simonova, këshilltare në Byronë për zhvillimin e arsimit: Prezantim: Zbatueshmëria e G-Compris në arsimin me nxënësit me nevoja të veçanta arsimore
- Magdalena Dimkova, defektologe në “Hapni dritaret”: Prezantim: Futja e teknologjisë asistuese në 21 shkolla fillore
- Anita Kitanoviq, psikologe në Sh.F. “Josip Broz Tito” – Vallandovë: Prezantim: Sh.F. “Josip Broz Tito” (Vallandovë) – Praktika e mirë shkollore
- Elizabeta Sekullovska, defektologe në Sh.F. “Goce Dellçev” – Prilep: Prezantim: Sh.F. “Goce Dellçev” (Prilep) – Praktika e mirë shkollore
- Nadjenka Apostollovska Tuturov, prind: Prezantim: Përvoja e prindërve në zbatimin e teknologjisë asistuese
