QËLLIMI I PROJEKTIT:
Avancimi i standardeve të të drejtave digjitale në rajonin e Ballkanit Perëndimor dhe kontribuimi për integrimin e tij të suksesshëm në Tregun Digjital të Vetëm të BE-së.
REZULTATET E PRITURA:
- Zhvillimi dhe zbatimi i një strategjie të përbashkët avokimi për harmonizimin dhe mbrojtjen adekuate të të drejtave të njeriut në kontekstin digjtal, duke u fokusuar në një qasje të përfshirjes së më shumë palëve të interesuara
- Forcimi i kapaciteteve të shoqërisë civile, organizatave të medias dhe aktorëve përkatës shtetërorë në gjashtë vendet e Ballkanit Perëndimor (WB6) për t’u përfshirë në proceset rregullatore që lidhen me të drejtat digjitale dhe për të monitoruar zbatimin e legjislacionit përkatës.
- Rritja e ndërgjegjësimit dhe inkurajimi i dialogut dhe shkëmbimit ndërmjet sektorëve publikë, privatë dhe civilë për çështjet që lidhen me të drejtat digjitale, me një fokus të veçantë në ndikimin e Ligjit për Shërbime Digjitale (DSA) dhe Ligjit të Tregjeve Digjitale (DMA) në WB6.
AKTIVITETET E PROJEKTIT:
- Hulumtim në lidhje me zbatimin e Ligjit për Shërbime Digjitale (DSA) në WB6 dhe monitorim i zhvillimeve aktuale dhe i zbatimit të Ligjit për Shërbime Digjitale (DSA) dhe i Ligjit të Tregjeve Digjitale (DMA) në BE.
- Punëtori për avokim strategjik të organizatave partnere për shkëmbimin e ideve për zbatimin e projektit dhe krijimin e një qasjeje të përbashkët për avokim që synon qytetarët, sektorin shtetëror dhe atë privat.
- Punëtori për organizatat lokale të shoqërisë civile, organizatat e mediave, verifikuesit e fakteve dhe aktivistët mbi specifikat e secilit prej vendeve dhe përshtatja e qasjes së avokimit me kontekstin lokal.
- Takime me palët e interesuara kombëtare për të paraqitur qëllimet dhe aktivitetet e projektit, për të theksuar rëndësinë e zbatimit adekuat të Ligjit për Shërbime Digjitale (DSA) dhe Ligjit të Tregjeve Digjitale (DMA) në vendet e WB6 dhe avantazhet e qasjes me shumë palë të interesuara.
- Trajnim për organizatat e shoqërisë civile dhe organizatat mediatike për pjesëmarrje në proceset rregullatore dhe monitorim.
- Punëtori për ngritjen e kapaciteteve dhe/ose informim për Ligjin për Shërbime Digjitale (DSA) dhe Ligjin e Tregjeve Digjitale (DMA) për institucionet përkatëse.
- Organizimi i një sesioni mbi Ligjin për Shërbime Digjitale (DSA) në kuadër të ngjarjes publike vjetore të secilës prej organizatave partnere.
- Organizimi i një fushate publike për të promovuar aktivitetet e projektit, për të zgjeruar përpjekjet e avokimit dhe për të ngritur më tej vetëdijen për rëndësinë e mbrojtjes së të drejtave të njeriut në botën digjitale.
PERIUDHA E ZBATIMIT: 15 qershor 2024 – 14 qershor 2025
DONATOR: Fondacionet e Shoqërisë së Hapur – Ballkani Perëndimor
ORGANIZATAT PARTNERE: Partnerët Serbi (Serbi); Fondacioni Metamorfozis (Maqedonia e Veriut); “Zashto ne?” (Pse jo?) (Bosnje dhe Hercegovinë); OJQ 35 mm (Mali i Zi); “Women in Tech Kosovo” (Kosovë); Instituti për Demokraci dhe Ndërmjetësim (Shqipëri).
