Me mbështetjen e CIVICUS-it dhe në partneritet me Fundacja TechSoup, Fondacioni Metamorfozis e zbaton projektin Mekanizmi Rajonal i Mbështetjes, i cili synon të forcojë organizatat e shoqërisë civile, aktivistët dhe iniciativat joformale përmes mbështetjes financiare dhe jofinanciare në epokën digjitale.
Projekti është pjesë e programit global Iniciativa për Demokraci Digjitale (Digital Democracy Initiative – DDI) të CIVICUS-it dhe synon të ndërtojë një ekosistem të qëndrueshëm dhe gjithëpërfshirës për demokracinë digjitale në Evropën Lindore dhe Azinë Qendrore, veçanërisht në kushtet e ngushtimit të hapësirës qytetare, dezinformimit dhe rritjes së rreziqeve digjitale.
Qëllimet e projektit
- Forcimi i kapaciteteve të organizatave të shoqërisë civile dhe aktivistëve për të përdorur mjetet digjitale për të avancuar demokracinë dhe të drejtat e njeriut;
- Ofrimi i mbështetjes financiare fleksibile për aktorët civilë formalë dhe joformalë, duke përfshirë edhe komunitetet e margjinalizuara, përmes dhënies së 100 granteve (institucionale dhe të veprimit);
- Zhvillimi i një rrjeti rajonal për mësim, bashkëpunim dhe solidaritet midis organizatave dhe aktivistëve;
- Inkurajimi i zgjidhjeve gjithëpërfshirëse, të udhëhequra nga niveli lokal, për të mbështetur dhe rritur hapësirën qytetare.
Aktivitetet në kuadër të projektit
Thirrje të hapura për grante – për organizata, grupe joformale dhe aktivistë që përdorin zgjidhje digjitale për pjesëmarrje demokratike;
Mbështetje financiare përmes:
- Granteve institucionale për të forcuar stabilitetin e organizatave;
- Granteve të vogla për rritjen dhe zhvillimin e iniciativave të aktivistëve dhe organizatave qytetare në nivel lokal;
LINK EECA – mbështetje jo-financiare, e cila përfshin:
- Trajnime online dhe mentorim përmes platformës Hive Mind;
- Rrjete rajonale dhe lokale për shkëmbimin e njohurive;
- Mbështetje nga ekspertë për sigurinë digjitale, komunikimet dhe avokimin;
Qendrat Lokale për Ndërtimin e Kapaciteteve (CapHubs) – organizatat e shoqërisë civile që do të veprojnë si qendra rajonale për mbështetje dhe rrjetëzim;
Program për shkëmbim dhe mësim praktik midis aktorëve qytetarë përmes një qëndrimi njëmujor në një organizatë nga një vend tjetër;
Konferenca rajonale Megaphone dhe e-Shoqëri.mk, hapësirë për t’u lidhur, për të mësuar dhe për të vepruar së bashku.
Vendet në fokus
Shqipëria, Armenia, Bosnja dhe Hercegovina, Gjeorgjia, Kazakistani, Kirgistani, Kosova, Moldavia, Mali i Zi, Maqedonia e Veriut, Serbia, Turqia dhe Ukraina.
Fushat tematike
- Të drejtat dhe siguria digjitale;
- Pjesëmarrja qytetare dhe aktivizmi digjital;
- Avokimi dhe forcimi i hapësirës qytetare;
- Përfshirja e të rinjve, grave, komuniteteve LGBTI+ dhe grupeve të margjinalizuara.
Kohëzgjatja e projektit: 1.12.2025 – 30.11.2026
Aktivitetet e projektit synojnë organizatat e shoqërisë civile, aktivistët dhe iniciativat joformale që duan t’i avancojnë kapacitetet e tyre digjitale dhe të kontribuojnë për një komunitet më gjithëpërfshirës, rezistent dhe demokratik. Pjesëmarrësit fitojnë qasje në mbështetje financiare, njohuri të ekspertëve, rrjete rajonale dhe mundësi që idetë e tyre të zhvillohen në zgjidhje të qëndrueshme dhe me ndikim.
