Titulli e projektit: Qendra kundër dezinformatave në Ballkanin Perëndimor: ekspozimi i ndikimeve të rrezikshme përmes gazetarisë mbikëqyrëse
Qëllimi kryesor i projektit
Zbulimi i ndikimit keqdashës të huaj në Ballkanin Perëndimor duke ekspozuar dhe hartëzuar rrjedhën e dezinformatave dhe propagandës që buron nga aktorë të jashtëm në të gjithë rajonin.
Qëllimet specifike
- Rritja e kapacitetit të gazetarëve dhe mediave për të identifikuar, dokumentuar, raportuar dhe ekspozuar ndikimet e huaja keqdashëse;
- Edukimi i publikut për natyrën dhe efektet e dezinformatave të ndikuara nga aktorë të jashtëm;
- Avokimi për rritjen e debatit publik dhe rritje të interesit për masa konstruktive politike
- Zhvillimi i një modeli për përballjen me dezinformata nga burime të huaja keqdashëse
Grupet e synuara
- Publiku i gjerë si grupi më i prekur nga ndikimet keqdashëse të huaja;
- Redaksitë dhe gazetarët kombëtarë dhe rajonalë;
- Organizatat e shoqërisë civile
- Institucionet publike/shtetërore të përfshira në luftën kundër ndikimeve keqdashëse të huaja.
Rezultatet e pritura
- Rritja e ndërgjegjësimit dhe njohurive të publikut për ekosistemet e dezinformimit në Ballkanin Perëndimor duke siguruar një infrastrukturë për paralajmërim të hershëm, të bazuar në të dhëna.
- Prodhimi i përmbajtjeve informative dhe edukative mediatike për të ekspozuar dezinformatat në bazë të një metodologjie inovative të bazuar në të dhënat për identifikimin, gjurmimin dhe ekspozimin e ndikimeve keqdashëse të huaja.
- Krijimi i një rrjeti shumëpalësh me përfaqësues të shoqërisë civile dhe organizatave mediatike, duke përfshirë edhe verifikuesit e fakteve dhe lajmeve, organizatat “think-tank” dhe palët e tjera të interesuara, që shërben si një platformë për mbulimin e përbashkët mediatik, monitorimin e mediave dhe ngritjen e kapaciteteve.
- Një model modern për përballjen me dezinformatat, i bazuar në një metodologji për njohjen dhe raportimin e ndikimit keqdashës të huaj në rajonin e Ballkanit Perëndimor (Maqedonia e Veriut, Serbia, Mali i Zi, Shqipëria, Bosnja dhe Hercegovina, Kosova), që është i zbatueshëm jashtë rajonit ku është zhvilluar, veçanërisht në vendet ku një ndikim i tillë toksik nuk e merr vëmendjen e duhur nga mediat dhe elita politike.
Aktivitetet e projektit
- Zhvillimi i infrastrukturës rajonale të bazuar në të dhënat për paralajmërim të hershëm që do të shërbejë për të parandaluar ndikimin e dëmshëm në rajon nga fushatat dezinformuese me origjinë nga aktorë të huaj.
- Gazetaria mbikëqyrëse (Watchdog journalism) – prodhimi i përmbajtjeve gazetareske cilësore në formë recensionesh, analizash dhe storjesh investigative.
- Hulumtimi i fokusuar në hartëzimin, dokumentimin dhe shpjegimin e vendeve të ndikimit të huaj keqdashës në çdo vend dhe në BP në tërësi. Mbledhja dhe analiza e të dhënave që do të rezultojë në krijimin e një infrastrukture për paralajmërim të hershëm të drejtuar nga të dhënat, e përqendruar rreth një baze të dhënash.
- Informimi publik dhe avokimi – angazhimi i audiencës së përgjithshme dhe rritja e vetëdijes përmes një fushate promovuese për edukimin dhe informimin e publikut përmes mediave sociale; kontributi për ndryshimin e politikave nëpërmjet konsultimeve për avokim dhe ngjarjeve publike që i bashkojnë palët përkatëse të interesit për të rritur ndërgjegjësimin dhe angazhimin e tyre në debatin publik mbi ndikimet e huaja keqdashëse.
Kohëzgjatja e projektit: 3,5 vite (42 muaj)
Mbështetja financiare: Mbretëria e Holandës
Partnerët e projektit – anëtarët e rrjetit kryesor:
Fondacioni Metamorfozis (organizatë udhëheqëse) nga Maqedonia e Veriut, themelues i shërbimit të verifikimit të fakteve, Vistinomer (Truthmeter në anglisht, Vërtetematës në shqip), Agjencia e lajmeve Meta.mk dhe portal i lajmeve në gjuhën shqipe Portalb.mk;
Qendra për Çështjet Ndërkombëtare dhe të Sigurisë ISAC, organizatë “think-tank” nga Serbia
Zashto ne (Why not) nga Bosnja dhe Hercegovina, themelues i shërbimeve të verifikimit të fakteve Istinomjer.ba dhe Raskrinkavanje.ba (fcs)
Qendra për Tranzicion Demokratik nga Mali i Zi, themelues i shërbimit të verifikimit të fakteve Raskrinkavanje.me (fcs)
Faktoje.al, Shërbimi i verifikimit të fakteve nga Shqipëria
Sbunker.net, Organizatë botuese mediale nga Kosova
