По стапувањето во сила во ноември 2007 на турскиот закон бр. 5651 со наслов Регулатива за публикации на интернет и спречување на криминалот сторен преку такви публикации, голем број на веб-сајтови беа блокирани во Турција.
Според д-р Јаман Акдениз, основач и директор на Права и слободи на интернет (Обединето Кралство) моментално повеќе од 6.000 веб-сајтови се блокирани во Турција. Во нив спаѓаат и познати веб-сајтови како што се YouTube, WordPress, GoogleGroups и Sites, DailyMotion и други. Некои од веб-сајтовите се блокирани со судски налози, додека повеќето се блокирани со административни налози издадени од Претседателството за телекомуникации (TIB).
Некои веб-сајтови се блокирани затоа што се сметаат за непристојни, други поради злоупотреба на деца и сексуална експлоатација, коцкање, обложување, проституција, а некои се блокирани поради тоа што се смета дека имаат врска со криминални дејствија извршени против Ататурк.
Дел од веб-сајтовите е блокиран од судовите иако причините за нивно блокирање не се во доменот на Законот бр. 5651. Блокирањето на веб-сајтови може исто така да се случи поради интелектуалната сопственост и веб-сајтовите како што се The Pirate Bay или MegaUpload се постојано блокирани во Турција. Myspace беше неодамна блокиран, а привремено дури и Farmville, играта што ја нуди Zynga.com преку Фејсбук – врз основа на административна одлука бидејќи Zynga промовира коцкање преку некои од своите социјални игри. Два други веб-сајтови на најголемата заедница на хомосексуалци во Турција беа блокирани истиот ден и се чини дека сопствениците на веб-сајтовите имаат намера да го оспорат судскиот налог.
Од месец мај 2009, TIB одлучи да не објавува статистички податоци или подробности во врска со веб-сајтовите блокирани врз основа на Законот бр. 5651 за кој д-р Акдениз вели дека е „чекор назад без информации, отвореност и транспарентност“.
From Farmville to Gayville, Internet censorship continues in Turkey (4.10.2009)
http://cyberlaw.org.uk/2009/10/04/from-farmville-to-gayville-internet-…
At least 6000 websites censored from Turkey (22.09.2009)
http://cyberlaw.org.uk/2009/09/22/at-least-6000-websites-censored-from…
Unblock The Banned Websites In Turkey Petition (28.09.2009)
http://www.besthostingservices.net/215/unblock-the-banned-websites-in-…
EDRi-gram: Turkey: Another blocking order against YouTube (3.12.2008)
http://www.edri.org/edri-gram/number6.23/youtube-turkey-blocked-novemb…
Извор: EDRI-gram “Turkey blocks thousands of foreign websites” бр. 7.19, 7 октомври, 2009.
