ФАКТ Е! – движење за подигнување на јавната свест за борба против дезинформациите

24.02.2021

Во фокусот

Глобалниот феномен на ширење на лажни вести препознава нивни различни форми. Мисинформации како ненамерни грешки како што се користење на несоодветен опис на фотографија, погрешни датуми, статистички податоци, несоодветни преводи или сатира која се сфаќа сериозно. Дезинформации или фабрикувани вести, манипулирани аудио и визуелни содржини, намерно креирани со цел ширење на конспиративни теории или гласини. Малинформации, односно, свесно објавување на приватни информации кои се од личен или корпоративен, а не од јавен интерес.

Разбирањето и препознавањето на различните форми на лажни вести е важно исто колку што е важно и разбирањето на различните начини за справување со нивното ширење.

Која и да е формата на лажната вест, целта е иста, да се парализира демократскиот процес преку фрагментација и поларизација во општеството, создавање на конфузија и несигурност за реалноста и фактите кои ја поддржуваат и поткопување на довербата во интегритетот на демократските процеси и институции.

Поттикнати од забрзаното ширење токму на дезинформациите, негативните ефекти кои тие ги имаат врз граѓаните и општеството во целина и различните начини за нивно откривање и спречување, ние во Фондацијата Метаморфозис отпочнавме движење за подигнување на јавната свест за борба против дезинформациите, користејќи го најдобриот начин за тоа – обезбедување на вистината преку проверка на фактите.

Преку ФАКТ Е! движење за подигнување на јавната свест за борба против дезинформациите ние се залагаме за:

  • известување базирано на систематски проверени факти
  • зголемување на нивоата на медиумска и информациска писменост
  • почитување на стандардите за професионално новинарство
  • поттикнување на критичко размислување

Доколку и Вие верувате дека вистината е важна, можете да се приклучите кон движењето за подигнување на јавната свест за борба со дезинформациите. Вашиот интерес може да го изразите преку пополнување на следната форма, а ние ќе Ве информираме за сите следни активности преку кои заедно ќе го унапредиме ова движење.

https://docs.google.com/forms/d/e/1FAIpQLSdS0miirTYh8SbbKug0P1vqWcJvxTUQAlwZWL3kzHzBQfgYTw/viewform

Нашите активности за проверка на факти, борба со дезинформации, критичко размислување и медиумска писменост може да се најдат на https://vistinomer.mk/ , https://crithink.mk/ , https://proverkanafakti.mk .

Сподели:

mediumski-item-img-1.png

ОТВОРЕН ПОВИК за изразување на интерес за членување на претставници од заинтересирани граѓански организации во Советот за координација и следење на Националниот акциски план за Партнерство за отворена власт 2024-2026 година

Отворениот повик треба да овозможи пријавување на 8 (осум) претставници од заинтересирани граѓански организации кои ги споделуваат вредностите на Партнерството за отворена власт и се залагаат за поголема партиципативност, отвореност и отчетност на властите и ги применуваат тие принципи во своето работење, за нивно учество во Советот за координација и следење на Националниот акциски план […]

mediumski-item-img-1.png

Оглас за вработување на раководител/ка на проект

Основни информации Фондацијата за интернет и општество „Метаморфозис“ преку својата програма „Медиуми за демократија“ препознава дека едно информирано општество е суштествено за обезбедување одговорност како на јавниот, така и на приватниот сектор. Активностите кои што „Метаморфозис“ ги реализира во рамките на оваа програма имаат цел да креираат средина во која слободните и професионални медиуми имаат […]

mediumski-item-img-1.png

Индекс на отвореност: Во тек е осмиот бран на мерењe на отвореноста на извршната и законодавната власт

Мрежата ACTION SEE – Мрежа за Одговорност, Технологија и Институционална Отвореност во Југоисточна Европа со поддршка на Национален фонд за демократија преку проектот Using New Media to Promote Government Transparency, го започна осмиот бран на мерења на отвореноста на извршната и законодавната власт во четири земји од регионот (Босна и Херцеговина, Северна Македонија, Србија и […]