Во рамките на проектот „Интеграција на Западен Балкан во Единствениот дигитален пазар на ЕУ“ финансиран од Фондациите Отворено општество – Западен Балкан, Фондацијата за интернет и општество Метаморфозис објавува повик за доставување на понуди за спроведување истражување на тема импликации на Законот за дигитални услуги на ЕУ на граѓанските организации и истражувачките новинари во Северна Македонија.
Предмет на набавката е спроведување истражување на тема импликации на Законот за дигитални услуги на ЕУ на граѓанските организации и истражувачките новинари во Северна Македонија. Целта на истражувањето е да обезбеди анализа на потенцијалните влијанија од спроведувањето на Законот за дигитални услуги (DSA) на граѓанските организации и медиумите кои се занимаваат со истражувачко новинарство во Северна Македонија. Истражувањето треба да опфати анализа на легислативата предвидена со DSA, политичкиот контекст во Северна Македонија и актуелната позиција на граѓанските организации и истражувачкото новинарство во Северна Македонија.
Целосниот повик, заедно со сите детали, условите и начинот на пријавување, можете да го најдете во продолжение: ПОВИК ЗА ДОСТАВУВАЊЕ НА ПОНУДИ
Формуларот за финансиска понуда можете да го најдете на овој линк: Прилог 1 | финансиска понуда
Доколку имате било какво прашање околу повикот, Ве молиме обратете се на nadica@metamorphosis.org.mk, најдоцна до 30.10.2024 година. Крајниот рок за доставување на понудите е 01.11.2024 година.
