Владиниот закон наречен Лекс Нокиа, исто така познат како „закон за душкање“, беше ставен на дневен ред во Парламентот на 24 февруари, 2009. Законот наиде на критики поради лошиот третман на фундаменталните права, овозможувајќи им на компаниите повеќе права од полицијата.
Исто така беше широко критикуван поради непотребниот корпоративен притисок и неговата нејаснотија.
Предлагачите на законот продолжија да прават срамни гафови: Министерот за комуникации Суви Линден во интервју за весникот Амулети изјави дека работодавецот во моментот има право да нареди претресување до гола кожа на вработен доколку постои сомнение дека вработениот во моментот изнесува тајни на компанијата. Понатаму, министерот за финансии Јирки Катаинен изјави дека не е запознаен со содржината на законот, но дека и без оглед на тоа, тој силно го поддржува.
На вчерашната парламентарна дебата главно учествуваа противници на законот коишто покренаа дискусија за нивната загриженост околу фундаменталните права, полезноста од законот, зголемувањето на надзорот, лошиот процес на составување на нацрт-законот итн. Поборниците за законот пак, постојано повторуваа како противниците на истиот се лошо информирани за неговите вистински импликации и за начинот на којшто законот го подобрува статусот на правата на работниците. Лево-ориентираната алијанса и социјалдемократите апелираа за одбивање на законот и негово целосно преправање.
На 24 февруари, TV News извести за законот, соопштувајќи дека има за цел да спречи три работи:
- Изнесување на деловни тајни
- Копирање на материјали заштитени со авторски права
- Нарушување на корпоративни мрежи со приложени датотеки и малициозни програми.
Доколку не се работи за некаква грешка од страна на новинската агенција, овој момент фрла ново светло на целта на Законот.
Се чини дека владините претставници се обединети, додека само членовите на партијата на зелените (14 места) се поделени по ова прашање. Доколку повеќе не се прошируваат несогласувањата, законот ќе се усвои дури и ако сите Зелени гласаат против него, бидејќи Националната коалиција (51 места), центарот (51) и Шведската народна партија (10) имаат мнозинство во собранието со 200 пратеници.
Партијата на Зелените предложи ограничување на законот за да се овозможи испитување на дневниците со податоци од е-пошта само во случаи кога компанијата води истрага за откривање на деловни тајни. Гласањето за содржината на Законот се одржа на 25 февруари. Конечното гласање за усвојување или одбивање на законот се очекува наредната недела.
Lex Nokia Debate Ignites Parliament (24.02.2009)
http://yle.fi/uutiset/news/2009/02/lex_nokia_debate_ignites_parliament…
Labour Ministry official confirms threat of Nokia leaving Finland over law on electronic communications (24.02.2009)
http://www.hs.fi/english/article/Labour+Ministry+official+confirms+thr…
Lex Nokia furore fuelled further by minister´s strip-search remark (13.02.2009)
http://www.hs.fi/english/article/iLex+Nokiai+furore+fuelled+further+by…
EDRi-gram: Snooping law, “Lex Nokia”, proceeding slowly but surely in Finland (17.12.2008)
http://www.edri.org/edri-gram/number6.24/nokia-law-finland-snooping
Извор: ЕДРИ-грам “Lex Nokia storms into the Finnish Parliament” бр. 7.4, 25 февруари, 2009.
