Мени
obuka-1

Курсеви

Метаморфозис организира обуки (курсеви) кои може да се состојат од еден или повеќе модули кои може да се комбинираат според потребите на клиентот. Некои од темите кои може да се опфатат со овие обуки се:  користење на социјалните медиуми за промоција и активизам, веб-новинарство, обработка на аудио и видео содржини, веб дизајн и друго.

Со овие обуки може да ги адресирате слабостите на вашата организација и да ја подобрите организациската изведба, како и да постигнете конзистентност и задоволство меѓу вработените.

Придобивките од подобрувањето на вештините на вработените се: подобрена продуктивност, пожива и вклучена работна сила, подобра тимска изведба, зголемено учество и комуникација, поголема доверба на вработените.

Курсеви

3649492427_10431e9b83_z

Подобра ефективност преку клауд технологии

Овие курсеви нудат знаење за придобивките и ризиците, како и препораки за користење на клауд технологии и чекори за подобрување на вашите бази на податоци и како да ги намалите трошоците преку транзиција кон клауд компјутерски модел.
bewman-logo

Управување со е-отпад

Овој курс ви нуди знаење за поеколошка електроника преку преглед на условите за безбедно и ефективно управување со е-отпад. Тука спаѓаат детали за потребната инфраструктура, како и политички и регулаторни рамки кои се користат за решавање на сè поголемиот проблем со е-отпадот.
letters-66951_640

Компјутерска писменост

Овој курс ви нуди знаење и можност да ги користите компјутерите и сродните технологии ефикасно, преку споделување на широк опсег на вештини покривајќи различни нивоа, почнувајќи од основните вештини за употреба се до програмирање и напредно решавање на проблеми.
lock-33495_640

Онлајн безбедност

На овој курс ќе добиете совети и насоки за безбедно уживање во благодетите на интернетот, општи информации за интернетот како медиум, можностите што ги нуди, опасностите што со себе ги носи и начините како да се заштитиме од нив.  
Screen Shot 2014-10-16 at 12.23.40 PM

Отворени податоци

Обуката за отворени податоци Ви овозможува да се запознаете со дефиницијата за отворени податоци и начинот како да препознаете и искористите отворените податоци.
Screen Shot 2014-10-16 at 12.16.22 PM

Принципи на отворена влада

Овој курс ви овозможува да научите  за владејачката доктрина која се залага дека граѓаните имаат право на пристап до владини документи и процедури со цел ефикасен јавен надзор, како и да ви овозможи да дознаете повеќе за тоа како да пристапите до работата на владата.
social-349597_640

Промоција преку социјални медиуми

Курсевите за промоција преку социјални медиуми се фокусираат на креирањето на содржини кои привлекуваат внимание и го поттикнуваат читателот да ги сподели истите на своите социјални мрежи. Овие курсеви нудат детални инструкции за како: Да ја промовирате  содржината на вашиот блог или на вашата одредишна страница преку социјални медиуми Зголемете ја посетеноста на вашата ...
digital-storytelling

Дигитални приказни

Курсот се однесува на куса форма на продукција на дигитални медиумски записи кои им овозможуваат на луѓето да споделуваат аспекти од своите животни приказни. „Медиумски записи“ може да подразбира дигитален еквивалент на филмски техники, анимација, фотографии, аудио записи или било која друга форма на медиумски запис кој не е физички (материјал кој постои само како електронски ...
Screen Shot 2014-10-16 at 11.40.12 AM

Говор на омраза на Интернет

Целта на обуката е да се научи како да се препознава говорот на омраза онлајн во сите негови форми, вклучувајќи ги оние кои најмногу ги засегаат младите, како што се сајбер насилството и сајбер омразата. Обуката се фокусира на употребата на социјални медиуми за социјална интеракција и демократска вклученост.
news-65343_640

Онлајн новинарство

Со напредокот на електронските медиуми дојде до зголемување на побарувачката за одговорни новинари – професионалци со вештини и знаење да ги користат новите медиуми и да се емитува навремено информирање на јавноста. Со овој курс, учесниците ќе научат за правата и обврските на медиумските професионалци во една демократија.
video-aktivisam

Видео активизам

Преку оваа обука учесниците се запознаваат со значењето и историјата на видео-активизмот, неговото препознавање и улогата во секојдневниот живот. Воедно, на обуката учесниците стекнуваат вештини за напредно, мануално управување со камера, за напредна обработка на снимките и изработување на естетски попријатни и помоќни видео снимки.
photography-407188_640

Фото-активизам

Преку оваа обука учесниците се запознаваат со значењето и историјата на фото-активизмот, неговото препознавање и улогата во секојдневниот живот. Воедно, на обуката учесниците стекнуваат вештини за напредно, мануално управување со фотоапарат, за напредна обработка на фотографиите и изработување на естетски попријатни и помоќни фотографии.
online-activism

Онлајн активизам

Курсот нуди нови гледишта кон улогата која активистите ја играат при залагањето за слободно и отворено општество. Фокусот е на употребата на технологијата и онлајн алатките за мобилизирање и организирање на поддржувачи, како и за градење на онлајн комуникација.