Едукација за иновации

„Напредното користење на различни ИКТ алатки од страна на медиумите, граѓаните и активистите придонесува за унапредување на нивните вештини потребни во средината во која делуваат. Преку структуриран и интерактивен едукативен план ќе се зајакнат капацитетите за практикување на новинарство базирано на податоци и повисоко ниво на медиумска писменост.“

Во светот на физичка реалност, технологии, дигитални медиуми и социјални мрежи, граѓаните се соочуваат со нова низа предизвици и можности и живеат, дејствуваат и прават избори како дигитални граѓани. Метаморфозис препознава дека на граѓаните, со сите нивни многубројни капацитети, им е потребно образование кое ќе им понуди низа вештини што се суштествени за компетентно справување со сложеноста на модерниот живот.